मुख्यमन्त्री पोख्रेलविरुद्ध अविश्वासको प्रस्ताव अघि बढाउन विशेष अधिवेशन आब्हान

१५ बैशाख, काठमाडौं । लुम्बिनी प्रदेश सभाको विशेष अधिवेशन यही बैशाख १९ गतेका लागि बोलाइएको छ । प्रदेश प्रमुख धर्मनाथ यादवले वैशाख १९ गते आइतबार दिउँसो १ बजे बस्ने गरी बैठक बोलाएका हुन । प्रदेशसभाको विशेष अधिवेशनमा मुख्यमन्त्री पोखरेलविरुद्धको अविश्वास प्रस्तावको प्रक्रिया अघि बढाउने छ ।

आफूविरुद्ध अविश्वास प्रस्ताव दर्ता गर्ने तयारी भइरहेको सूचना पाउनासाथ मुख्यमन्त्री शंकर पोखरेलले प्रदेशसभाको चालु अधिवेशन अन्त्य गराएका थिए। त्यसपछि नेपाली कांग्रेस, माओवादी केन्द्र र जनता समाजवादी पार्टीले विशेष अधिवेशन आह्वान गर्न गर्दै प्रदेश प्रमुखको कार्यालयमा समावेदन गरेका थिए।

यही बीचमा मुख्यमन्त्री पोख्रेल विरुद्ध अविश्वासको प्रस्तावमा हस्तक्षार गरेका जनता समाजबादी दलका सांसद नै पोख्रेलको मन्त्रिमण्डलमा सहभागी भएपछि पोख्रेलविरुद्धको अविश्वासको प्रस्ताव पारित हुने संभावना कम देखिएको छ । यधपी पार्टीको निर्णय विपरित मन्त्रीमण्डमा सहभागि भएको भन्दै सांसदहरु पदमुक्त भएका घटनाले अर्कै मोड लिने छ।