पर्सामा काेराेनाले थप दुई संक्रमितको ज्यान गयो

१५ बैशाख, पर्सा । पर्सामा गएराति उपचारको क्रममा थप दुई कोरोना संक्रमितको ज्यान गएको छ। एक महिला र एक पुरूष गरी दुई जनाको ज्यान गएको हो।

मृत्यु हुनेमा बाराको सुवर्ण गाउँपालिका-७ की ३० वर्षीया महिला र विसवरिया गाउँपालिका-४ धनगढका ४३ वर्षीय पुरूष हुन् । बाराको सुवर्ण गाउँपालिकाकी महिला १४ गते अस्पताल भर्ना भएकी थिइन्। विसवरिया गाउँपालिकाका पुरूष १३ गते नारायणी अस्पतालमा भर्ना भएका थिए।

दुवैको मृत्यु आरआरडीएस, सीवियर न्यूमोनियाले भएको चिकित्सकले बताएका छन् ।  योसहित बारामा ४ जना, सर्लाहीमा २ जना र पर्सामा १२ जनाको मृत्यु भइसकेको छ।