ग्लोबल आइएमई बैंकको वितरणयोग्य मुनाफा साढे २ अर्ब माथि, नेटवर्थ कति ?

१५ बैशाख, काठमाडौं । ग्लोबल आइएमई बैंकले चालु आर्थिक वर्षको तेस्रो त्रैमासमा वित्तीय विवरण सार्वजानिक गरेको छ। तेस्रो त्रैमाससम्ममा बैंकको वितरणयोग्य मुनाफा साढे २ अर्ब बढि रहेको छ ।

गत आर्थिक वर्षको तेस्रो त्रैमाससम्ममा २ अर्ब ७० करोड ५२ लाख रुपैयाँ मुनाफा  गरेकाे बैंकले चालु आर्थिक वर्षको सोहि अवधिमा ३ अर्ब ५७ करोड रुपैयाँ मुनाफा गरेकाे छ । जुन गत वर्षको तुलनामा ३२.४० प्रतिशतले धेरै हो।

बैंकको बैंकको खुद ब्याज आम्दानीको साथै अन्य स्रोतमार्फत हुने आम्दानी पनि बढ्दा उसको नाफा बढेको हो। बैंकको इम्पेरमेन्ट चार्ज घट्दा पनि उसको नाफामा वृद्धि देखिएको हो।

यस अवधिमा बैंकको खुद ब्याज आम्दानी १४ प्रतिशतले बढेर ६ अर्ब ८७ करोड रुपैयाँ पुगेको छ भने सञ्चालन नाफा पनि ३२ प्रतिशतले बढेको छ। यस अवधिमा बैंकले सम्भावित जोखिमबापत ३२ करोड रुपैयाँ छुट्याएको छ।

समीक्षा अवधिमा बैंकको निक्षेप संकलन १५ प्रतिशतभन्दा धेरैले बढेको छ भने कर्जा लगानी १७ प्रतिशतले बढेको छ।

हाल २१ अर्ब ६३ करोड रुपैयाँ चुक्ता पूँजी रहेको बैंकको जगेडामा ७ अर्ब ९२ करोड रुपैयाँ छ। बैंकको प्रतिशेयर आम्दानी १८ रुपैयाँबाट बढेर २२ रुपैयाँ पुगेको छ भने प्रतिशेयर नेटवर्थ १४८ रुपैयाँ रहेको छ।