केन्द्रीय सदस्यका साथै कर्मचारीलाई कोरना देखिएपछि कांग्रेस बैठक स्थगित    

१५ बैशाख, काठमाडौं । आज दिउसो १ बजेका लागि निर्धारित गरिएको नेपाली कांग्रेस केन्द्रीय कार्य समितिको बैठक स्थगित भएको छ ।

बैठक तयारीका लागि केन्द्रीय कार्य समिति सदस्य र कर्मचारीहरुको पिसिआर परिक्षणमा केन्द्रीय कार्यसमितिका केही सदस्य एवं केन्द्रीय कार्यालयकै कर्मचारीहरु समेतमा कोरोना पोजेटिभ देखिएपछि  बैठक अनिश्चितकालको लागि स्थगित गरिएको हो ।

यस्तो स्थितिमा कोरोनाको तिब्र संक्रमण बढिरहेको बेला ठुलो संख्यामा उपस्थित भइ बैठक गर्नु अनुपयुक्त देखिएकाले बैठक स्थगन गरिएको पार्टी कार्यालयका मुख्य सचिव कृष्ण पौडेलले जानकारी दिए ।