मुम्बईले टेस जितेर राजस्थानलाई दियो ब्याटिङको निम्तो, प्लेइङ–११ मा फेरबदल

१६ बैशाख, काठमाडौं । भारतमा जारी १४औँ सिजनको आईपीएलमा राजस्थान रोयल्सविरुद्ध मुम्बई इण्डियन्सले टस जितेर बलिङ रोजेको छ । मुम्बई र राजस्थानबीचको खेल नेपाली समयअनुसमार दिउँसो ३स्४५ बजेदेखि दिल्लीमा सुरु हुनेछ।

जारी सिजनमा दुवै टिमले पाँच–पाँच म्याच खेलिसकेका छन्। आज मुम्बई तेस्रो जित निकाल्ने लक्ष्यसहित मैदान उत्रिनेछ।

मुम्बई पाँच खेलमा चार अंक जोड्दै तालिकाको चौथो स्थानमा छ। आज राजस्थान पनि तेस्रो जित निकाल्ने योजनामा छ। राजस्थान पाँच खेलमा चार अंकसहित तालिकाको सातौं स्थानमा छ।

मुम्बईले प्लेइङ–११ मा आज एक खेलाडी परिवर्तन गरेको छ। उसले इशान किशनको ठाउँमा नाथन कुल्टर नाइल खेलाएको छ।राजस्थानले भने अघिल्लो प्लेइङ सेटलाई मैदान उतारेको छ।

दुई टिमबीचको पछिल्लो पाँच खेलमा राजस्थान बलियो देखिन्छ। उसले पाँच खेलमा चारमा विजयी भएको छ। मुम्बईले एक खेल मात्र जितेको छ।

राजस्थानको प्लेइङ–११–जोस बटलर, यशस्वी जैसवाल, सञ्जु सामसन (कप्तान/विकेटकीपर), शिवम दुबे, डेविड मिलर, राहुल तेवटिया, रियान पराग, क्रिस मोरिस, जयदेव उनादकट, चेतन सकरिया र मुस्तफिजुर रहमान ।

मुम्बईको प्लेइङ–११ –रोहित शर्मा (कप्तान), क्विन्टन डिकक, सूर्यकुमार यादव, हार्दिक पाण्ड्या, किरण पोलार्ड, कृणाल पाण्ड्या, नाथन कुल्टर नाइल, जयन्त यादव, राहुल चहर, जसप्रीत बुमराह र ट्रेन्ट बोल्ट ।