राजीनामा दिएर पोखरेलले पुन: मुख्यमन्त्री बन्ने बाटो सुरक्षित राखे !

१९ बैशाख, काठमाडौं । लुम्विनी प्रदेशका मुख्यमन्त्री शंकर पोखरेले अविश्वासको प्रस्ताव पेश हुनु पूर्व नै राजीनामा दिएर पुन: मुख्यमन्त्री बन्ने बाटो सुरक्षित गरेका छन् । राजीनामा दिएपनि पोखरेल पुन: संसदमा बहुमत प्राप्त संसदीय दलको नेताको हैसियतमा लुम्विनी प्रदेशका मुख्यमन्त्री बन्ने भएका छन् ।

८७ सदस्यी प्रदेशसभा रहेको लुम्विनी प्रदेशमा एमलेका ४१ जना सांसद रहेका छन् । माओवादी केन्द्रका २०, नेपाली कांग्रेसका १९, जसपाका ६ र राष्ट्रिय जनमोर्चाका एक जना सदस्य रहेका छन् । माओवादी केन्द्रले एमालेमा प्रवेश गरेका दुई सांसद र जसपाले पोख्रेल मन्त्रिमण्डमा सहभागी ४ सांसद कारवाही गरेपछि प्रदेशमासमा कायम सांसदको दल ८१ रहने भएको छ । एमालेका ४१ जना सांसद रहेकाले संसदमा यो एकल बहुमतको अवस्था हो । त्यसैले पनि प्रदेश संसदीय दलका नेता पोख्रेल नै पुन मुख्यमन्त्री बन्ने देखिएको छ ।

संविधानको धारा १६८ धारा १६८ ‘१’ अनुसारको संसदमा बहुमत प्राप्त दलको नेताको हैसियतमा पुन मुख्यमन्त्री बन्ने बाटो सुरक्षित देखेपछि पोख्रेलले राजीनामा दिएको बुझिएका हुन । तर माधव नेपाल पक्षक कुनै प्रदेश  संसदले यस बीचमा राजीनामा दिएमा वा अन्य दल प्रवेश गरेमा पोख्रेलको यो योजनामा धक्का लाग्ने देखिन्छ ।