भारतमा निशूल्क अक्सिजन बाड्ने युवक प्रहरी नियन्त्रणमा

१९ बैशाख, एजेन्सी । काेराेना जाेखिम उच्च भैइरहेकाे समयमा भारतमा अक्सिजनको अभाव हुँदा सयौंको संख्यामा कोरोना भाइरस संक्रमितले ज्यान गुमाइरहेका छन्। यस्तैमा भारतमा एक अचम्मको घटना बाहिरिएको छ। कोरोना भाइरसबाट आक्रान्त उत्तर प्रदेशमा अस्पतालमा निशूल्क अक्सिजन बाड्ने एक युवकलाई प्रहरीले पक्राउ गरेको छ।

प्रहरी प्रशासनले भने युवकले अक्सिजन बाँड्ने बहानामा अस्पताल बाहिर भीड गरी स्वास्थ्कर्मीलाई काम गर्न समस्या सिर्जना गरेको आरोप लगाइरहेको बीबीसी हिन्दीले उल्लेख गरेकाे छ ।  काेरोना भाइरस महामारीको समयमा अक्सिजन नपाएर तड्पिरहेका भारतीयका लागि अक्सिजन प्राप्त हुनु सबै भन्दा ठूलो कुरा रहेको समयमा ती युवकको गिरफ्तारीलाई अचम्मको घटनाका रुपमा लिइएको छ।

उत्तर प्रदेश प्रहरीले उनीविरुद्ध मुद्दा चलाएको छ। उत्तर प्रदेशको जैनपुरस्थित सरकारी अस्पताल बाहिर अक्सिजन नपाएर तड्पिरहेका बिरामीलाई निजी खर्चमा विक्की अग्रहरीले अक्सिजन प्रदान गरेका थिए। प्रहरीले विक्कीविरुद्ध भारतीय दण्ड संहिताको धारा १८८ र २६९ बमोजिम मुद्दा चलाएको छ। जनैपुरका प्रहरी अधिकारी मनीष बर्माले विक्कीले अस्पताल बाहिर अव्यवस्था सिर्जना गरेर स्वास्थ्यकर्मीलाई दुःख दिइरहेकाले पक्राउ गरेको बताएका छन्।

विक्कीले अस्पताल बाहिर अक्सिजनको अभावमा तड्पिरहेका बिरामी हेर्न नसकेको भन्दै एम्बुलेन्सबाट अक्सिजन सिलिन्डर निकालेर दिएको बताएका छन्। सहयोगीलाई पक्रेर मुद्दा चलाउँदा प्रसाशनको छवी धुमलिदैनरु भन्ने प्रश्नमा बर्माले अस्पतालमा बेड हुँदाहुँदै विक्कीले अक्सिजन दिँदै गरेको भिडियो बनाएर चर्चा कामउन खोजेको बताएका छन्। ३४ वर्षीय विक्की पेशाले एम्बुलेन्स चालक हुन।