पत्रकार महासंघका नवनिर्वाचित समितिद्वारा पदभार ग्रहण

मिना कंडेल

१९ वैशाख, नवलपुर । नेपाल पत्रकार महासंघ पूर्वी नवलपरासी शाखाको दोस्रो अधिवेशनवाट निर्वाचित सदस्यले पदभार ग्रहण गरेका छन् । २०७७ चैत २५ गते सम्पन्न निर्वाचनबाट निर्वाचित जिल्ला कार्य समिति, प्रदेश सदस्य र केन्द्रिय सदस्यहरुले शुक्रबार पदस्थापना गरेका हुन् ।

पदस्थापना कार्यक्रममा बोल्दै पत्रकार महासंघका केन्द्रीय अध्यक्ष विपुल पोखरेलले मुलुकले संघीय ब्यवस्थाको कार्यान्वयन गरिरहेका बेला पत्रकार जगतले संघीयताको अनुभूत गर्न नपाएको बताए ।

मोफसलमा रहेर पत्रकारिता गर्नेहरुका पीडा र मार्का आफुले बुझेको बताउदै अध्यक्ष पोखरेलले ती समस्या समाधानका लागि सहयोग गर्ने बताए । पत्रकारका लागि स्वास्थ्य बिमा, ब्यवसायिक पत्रकारिता, प्रेस तथा अभिब्यक्ति स्वतन्त्रताका पक्षमा आफना योजना रहेको अध्यक्ष पोखरेलको भनाई छ । प्रेस संकुचन गर्ने गतिबिधी बिरुद्धका आवाज वुलन्द गराउदै पत्रकारिताको विकासका लागि केन्द्रदेखि मोफसलका पत्रकारसंससंगै अघि बढ्नेमा जोड दिए ।

कार्यक्रममा नेपाल पत्रकार महासंघ पूर्वी नवलपरासीका निर्वतमान अध्यक्ष होमराज रानाभाट, नेपाल प्रेस युनियनका केन्द्रिय सल्लाहाकार शिव लम्साल, नेपाल पत्रकार महासंघका केन्द्रीय सदस्य विद्रोही गिरी लगायतले पत्रकार र पेशागत दायित्वका बारेमा सुझाव सहित निष्पक्ष पत्रकारिताका आवश्यकताका बारेमा जोड दिएका थिए ।

यसैगरी नवनिर्वाचित अध्यक्ष विरेन्द्र पराजुलीले पत्रकार महासंघ सवैको साझा चौतारी रहेकाले सबैको अवनत्व हुने गरी आफु प्रतिबद्ध भई लाग्ने बताए । पत्रकार महासंघका अध्यक्ष होमराज रानाभाटको अध्यक्षतामा सम्पन्न कार्यक्रममा उपाध्यक्ष श्रीराम सिग्देलले स्वागत, धन्यवाद एवं सचिव प्रेम न्यौपानेले संचालन गरेका थिए । यसैगरी, सोही कार्यक्रममा अध्यक्ष रानाभाट र कोषाध्यक्ष ईश्वरी चापागाईले नवनिर्वाचित अध्यक्ष विरेन्द्र पराजुलीलाई माइन्यूट हस्तान्तर गरेका थिए ।