प्रम ओलीले राष्ट्रको नाममा संवोधन गर्ने

२० बैशाख, काठमाडौं । प्रधानमन्त्री केपी ओलीले देशबासीलाई सम्बोधन गर्ने भएका छन् । ओलीले देशमा बढ्दो कोरोना महामारीसँग जुध्न सरकारले चालेको कदमबारे जानकारी दिन देशवासीका नाममा संवोधन गर्ने भएका हुन् ।

अहिले ३.३० मा गर्न लागिएको संवोधन मूलतः कोरोना रोकथामका लागि सरकारले गरेको प्रयास र भावी कार्ययोजनाबारे केन्द्रित रहने बालुवाटार निकट स्रोतले बतायो ।

साथै समसामयिक राजनीतिक घटनाक्रमका सम्बन्धमा समेत प्रधानमन्त्रीले आफ्ना धारणा राख्ने स्रोतले बतायो । ओलीले यही बैशाख २७ गते प्रतिनिधिसभाबाट विश्वासको मत लिन खोजेका छन् । सम्बोधनको प्रत्यक्ष प्रशारण नेपाल टेलिभिजनबाट हुनेछ ।