स्वास्थ्य संकटकाल लगाएर अध्यादेशमार्फत देश चलाउने दाउमा ओली  

२२ बैशाख, काठमाडौं । प्रधानमन्त्री केपी ओलीले बैशाख २७ गते विश्वासको मत लिने गरी अधिवेशन आब्हान गरेसँगै उनको यस कदमलाई आशंकाको रुपमा हेरिएको छ । अदालतले सग्लो पार्टी नेकपालाई तत्कालीन एमाले  र माओवादी केन्द्र बनाइदिएपछि तत्कालै लिनुपर्ने विश्वासको मत तीनमहिना पछि लिन खोज्नुले विपक्षीहरुले प्रधानमन्त्री ओलीले विश्वासको मतलाई देखाएर अर्को ठुलै राजनीतिक डिजाइनमा लागेको टिपणी गरेका छन् ।

विश्वासको मत प्राप्त हुँदैन भन्ने ओलीलाई राम्रोसँग थाहा भएकाले ओलीले  राजनीतिक इमान्दरिता देखाउन र नैतिकवान बन्नलाई विश्वासको मत लिन नखोजेको उनी अर्को अंसवैधानिक कदमका लागि वाहाना खोजेको विपक्षी नेताहरुले बताएका छन् । उनीहरुका अनुसार ओली संसदबाट विश्वासको मत लिने तर विश्वासकाे मत प्राप्त नभएपछि नयाँ सरकार बन्ने प्रक्रिया ७६ (१) बाट पुन: सुरु नगरी  सवैभन्दा ठुलो दलको हैसियतमा प्रधानमन्त्रीका नियुक्तिमा राष्ट्रपतिलाई सिफारिस गर्ने दाउमा ओली देखिन्छ ।

त्यसपछि पनि उनी पुन: विश्वासको मत माग्ने र मत नपाउँदा संसद विघटन गरी निर्वाचन घोषणा गर्ने अर्क तर्फ देशमा स्वास्थ्य संकटकाल लगाउँदै स्वास्थ्य संकटकाल लगाएर चुनाव नगर्ने र अध्यादेशमार्फत देश चलाउने दाउमा प्रधानमन्त्री ओली रहेको देखिएको छ।

त्यसो त प्रधानमन्त्रीको यो षडयन्त्र सफल हुन नदिन विपक्षी दलहरु संसदमा अविश्वासको प्रस्ताव समेत सँगै लैजाने ओलीले पुन प्रधानमन्त्री हुनु अघि नै राष्ट्रपति समक्ष सरकार गठनका लागि बहुमत हस्ताक्षर बुझाउने लगायतका विकल्प बारे छलफलमा रहेका छन् । यो  अवस्था केन्द्रीय राजनीतिकाे संसदीय अंकगणितमा पुन लुम्विनी प्रदेश प्रकरण देख्न पाइने छ । त्यसा राष्ट्रपतिको भुमिका कस्तो रहने छ भन्ने  विषयले निर्भर रहने देखिन्छ ।