आजदेखि एनआईसी एशिया बैंकको ६२ हजार कित्ता शेयर लिलामीमा

२३ वैशाख, काठमाडौं । एनआईसी एशिया बैंकको स्वामित्वमा रहेको मेरो माइक्रोफाइनान्स लघुवित्त वित्तीय संस्था लिमिटेडको ६२ हजार ३८८ कित्ता शेयर आज (बिहीवार)देखि लिलामीमा आएको छ ।

कम्पनीले उक्त शेयर वैशाख २९ गतेसम्मका लागि लिलामीमा विक्री खुला गरेको हो । यो शेयरको मूल्य प्रतिकित्ता न्यूनतम ५७६ तोकिएकाले सो वा सोभन्दा बढी मूल्य अंकित गरी बोलकबोल गर्नु पर्नेछ ।

बोलकबोल गर्दा न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । यो शेयर बाँडफाँटमा पर्ने आवेदकहरुले कम्पनीले वैशाख २३ गतेपश्चात घोषणा गर्ने हकप्रद र लाभांश प्राप्त गर्नेछन् । उक्त शेयर विक्री प्रबन्धकमा एनआईसी एशिया क्यापिटल रहेको छ ।