अरुण भ्याली हाइड्रोपावरको हकप्रद शेयरमा जेठ २ गतेसम्म आवेदन दिन सकिने

२३ वैशाख, काठमाडौं । अरुण भ्याली हाइड्रोपावर डेभलपमेण्ट कम्पनी लिमिटेडले हकप्रद शेयरमा आवेदन दिने म्याद थप गरेको छ ।

कम्पनीको हकप्रद शेयरमा वैशाख ६ गतेदेखि २६ गतेसम्म आवेदन दिने समय रहेकोमा जेठ २ गतेसम्म थप भएको कम्पनीले नेप्से मार्फत जानकारी गराएको छ ।

हालको विषम परिस्थितिलाई मध्यनजर गरेर कम्पनीको वैशाख २३ गते बसेको सञ्चालक समितिको बैठकले हकप्रद शेयरमा आवेदन गर्ने समय थपेको हो । कम्पनीले निष्कासन गरेको हकप्रद शेयरमा २०७७ चैत ८ गतेसम्म कायम शेयरधनीले आवेदन गर्न सक्नेछन् ।

कम्पनीले ५२ लाख ४१ हजार १९७ कित्ता हकप्रद शेयर निष्कासन गरिरहेको छ । उक्त हकप्रद शेयर निष्कासन गर्नका लागि कम्पनीले नेपाल धितोपत्र बोर्डबाट फागुन २५ गते स्वीकृति पाएको थियो । हाल कम्पनीको चुक्तापूँजी ९९ करोड ८३ लाख रहेको छ ।

यो हकप्रद शेयर निष्कासन पछि पूँजी १ अर्ब ५२ करोड २४ लाखभन्दा बढी पुग्नेछ । विक्री प्रबन्धक मुक्तिनाथ क्यापिटल लिमिटेड रहेको छ । साथै आवेदकले मेरो शेयरबाट हकप्रद शेयरमा आवेदन गर्न सक्नेछन् ।