एमाले विभाजन हुन नदिन पौडेल सक्रिय

२३ बैशाख, काठमाडौं । एमाले विभाजन हुन नदिन अर्थमन्त्री एवम् नेता विष्णु पौडेल सक्रिय भएका छन्। उनले बिहीबार माधवकुमार नेपाल समूहका दोस्रो तहका नेतासँग एकता प्रक्रियाबारे छलफल गरेका हुन्।

नेता पौडेलले सुरेन्द्र पाण्डे र गोकर्ण विष्टसँग भेटवार्ता गरी पार्टी उत्पन्न विवाद समाधान गर्ने विषयमा छलफल गरेका थिए।  उनले भेटमा आफूहरुले प्रस्ट कुरो राखेको बताए।

उनका अनुसार पार्टीमा देखापरेको पछिल्लो समस्याबारे छलफल भए पनि ठोस निष्कर्ष भने केही निस्कन सकेन।  पौडेलले नेताद्वयलाई नागपोखरीस्थित होटल मेरियटमा डाकेका थिए।