ओली र नेपाल पक्षका नेताहरुबीच वार्ता

२४ बैशाख, काठमाडौं । शुक्रबार बेलुकी प्रधानमन्त्री निवास बालुवाटारमा प्रधानमन्त्री एवं एमाले अध्यक्ष केपी ओली र वरिष्ठ नेता माधवकुमार नेपाल पक्षका नेताहरुबीच वार्ता भएको छ।

वार्तामा ओलीका तर्फबाट संसदीय दलका उपनेता एवं स्थायी कमिटी सदस्य सुवास नेम्वाङ, अर्थमन्त्री विष्णु पौडेल र प्रधानमन्त्रीका प्रमुख सल्लाहकार विष्णु रिमाल सहभागी थिए। त्यस्तै, नेपालनिकट नेताहरू घनश्याम भुसाल, योगेश भट्टराई र गोकर्ण विष्ट सहभागी थिए।

नेता नेम्वाङले करिब साढे दुई घण्टा छलफल भएको र गम्भीर रूपमा कुरा भएको बताए। उनले पार्टीलाई एकतावद्ध बनाउन गम्भीर छलफल भएको र फेरि भेट्ने तय भएको बताए।

नेकपा एमालेमा चर्किएको शक्तिसंघर्षले निम्तिएको पार्टी विभाजन टार्न दुवै पक्षका नेताहरू सक्रिय भएका छन्।