ग्लोबल आइएमई बैंकको स्वामित्वमा रहेको ८१ हजार कित्ता शेयर भर्ने आज अन्तिम दिन

२६ वैशाख, काठमाडौं । ग्लोबल आइएमई बैंक लिमिटेडको स्वामित्वमा रहेको फर्स्ट माइक्रोफाइनान्स लघुवित्त वित्तीय संस्था लिमिटेडको संस्थापक समूहको शेयरमा आवेदन दिने आज (वैशाख २६ गते, आइतबार) अन्तिम दिन रहेको छ ।

बैंकले आफ्नो स्वामित्वमा रहेको संस्थाको ८१ हजार ५ सय संस्थापक समूहको शेयर न्यूनतम ३ सय रुपैयाँमा बिक्री गरिरहेको हो । लगानीकर्ताले बोलपत्र पेश गर्दा सो वा सोभन्दा बढी मूल्य अंकित गरी बोलकबोल गर्नुपर्नेछ ।

लगानीकर्ताले उक्त शेयरमा न्यूनतम एक सय कित्ता र सो भन्दा बढीको लागि अधिकतम सम्पूर्ण कित्तासम्म आवेदन दिन सक्नेछन् ।

उक्त शेयरको निष्कासन तथा बिक्री प्रबन्धकमा ग्लोबल आइएमई क्यापिटल लिमिटेड रहेको छ । लगानीकर्ताले उक्त ग्लोबल आइएमई क्यापिटल लिमिटेड, नक्साल काठमाडौंमा आइपुग्ने गरि आवेदन दिन सक्नेछन् ।