लोकसेवामा माधव रेग्मी सिफारिश

२६ बैशाख, काठमाडौं । संवैधानिक परिषदको आज बसेको विवादित बैठकले लोकसेवा आयोगको रिक्त प्रमुख आयुक्तमा पूर्व सचिव माधवप्रसाद रेग्मीलाई सिफारिश गरेको छ । उनी प्रधानमन्त्री केपी ओलीको निर्वाचन क्षेत्र गौरादहवासी हुन् ।

फागुन २३ को विवादित सर्वाेच्च अदालतको निर्णयकर्ता न्यायधीश कुमार रेग्मीका सहोदर दाजु उनी लामो समय लोकसेवा आयोगमै बसेर काम गरेका हुन् । खोटाङको रावा दुबेकोलमा जन्मिएका रेग्मी ओलीको रुचि र चाहनामा कसरी परे भन्ने प्रश्नको जवाफ उनका भाइले लगाएको गुण मुख्य रहेको धेरैको बुझाई छ ।