नेपाल रेडियोलोजिस्ट संघको अध्यक्षमा खड्का

२६ वैशाख,काठमाडौं । नेपाल रेडियोलोजिस्ट संघको साधारण सभाले प्रा.डा. हेन्सन खड्काको अध्यक्षतामा नौ सदस्यीय नयाँ कार्यसमिति चयन गरेको छ ।

संघको शनिबार सम्पन्न साधारणसभाले उपाध्यक्षमा डा. अनामिका झा, महासचिवमा डा. सुन्दर सुवाल, सहसचिवमा डा. प्रसन्न घिमिरे, कोषाध्यक्षमा डा. हरि ओम जोशी, सहकोषाध्यक्षमा डा. अभिशेक शाह निर्वाचित भएका हुन् ।

त्यसैगरी संघका सदस्यमा डा. कल्पना राई, डा. विश्वराज बस्ताकोटी र डा तेजेन्द्र कार्की चयन भएका छन् । संघका निवर्तमान अध्यक्ष प्रा.डा. दानबहादुर कार्की नयाँ कार्यसमितिको पदेन सदस्य रहेका छन् । कोभिड–१९ का कारण उत्पन्न विशेष परिस्थितिका कारण भर्चुअल रुपमा कार्यक्रम आयोजना गरी नयाँ कार्यसमिति चयन गरिएको हो ।