संक्रमित सांसद पनि मतदानमा सहभागी हुन पाउने

२६ बैशाख, काठमाडौं । प्रधानमन्त्री केपी ओलीले विश्वासको मत लिन आव्हान गरिएको प्रतिनिधि सभाको बैठकमा विश्वासको मत लिन गरिने मतदान सहित सबै प्रक्रिया भोली नै टुँग्याइने भएको छ ।

आज बसेको प्रतिनिधिसभाको कार्यव्यवस्था परामर्श समितिको बैठकले कोरोना संक्रमित सांसदहरुले पनि मतदान गर्न पाउने ब्यवस्था गर्दै त्यस सम्वन्धी सवै काम एउटै बैठकबाट सकाउने निर्णय गरेको हो । बैठकले संक्रमण भएका माननीयलाई अलग्गै अर्को कक्षमा राख्ने र मतदानको बेला भित्र प्रवेश दिने र छुट्टै कोठामा मतदान गर्ने व्यवस्था मिलाउने निर्णय गरेको छ ।

बैठकले पीसीआर टेष्ट गरेरका सांसदले मात्र प्रवेश पाउने निर्णय गर्दै  टेस्ट नगरेका सांसदलाई स्वाब दिन र भोलिसम्म रिपोर्ट आउने व्यवस्था मिलाउन समेत आग्रह गरिएको सभामुखका संचारविज्ञ श्रीधर न्यौपानेले जानकारी दिए । दुई दिनअघि  झण्डै २२० जना संसदको पीसीआर गर्दा २६  सांसदलाई कोरोना संक्रमण पुष्टि भएको छ । ५० संसादले अझै परिक्षण नगरेको संसद सचिवालयले जनाएको छ ।

प्रधानमन्त्रीले ओलीले प्रतिनिधि सभाको बैठकमा भोली विश्वासको मत लिदै छन् । उनले विश्वासको मत लिने प्रायोजनका लागि मात्र प्रतिनिधि सभाको विशेष अधिवेशन आव्हान गरिएकोले भोली एक दिन मात्र बैठक बस्ने छ ।