राष्ट्रिय बीमा कम्पनीको सर्किट लेबलमा कारोबार, प्रतिशेयरमूल्य १९ हजार बढि

२७ वशाख, काठमाडौं । राष्ट्रिय बीमा कम्पनीको शेयर मूल्य सोमवार अघिल्लो कारोबार दिनको तुलनामा ९ दशमलव ९२ प्रतिशतले वृद्धि भएको छ ।

सामान्य अंकले बढेको बजारमा कम्पनीको शेयरमूल्य भने सर्वाधिक ९ दशमलव ९२ प्रतिशत बढेको हो । कम्पनीको शेयर मूल्य प्रतिकित्ता १९ हजार १२५ रुपैयाँ पुगेको छ ।

कम्पनीको शेयर कारोबारमा आएको पछिल्ला दिनहरुमा लगातार सर्किट लेबलमा वृद्धि हुँदै आएको छ ।

यो समाचार तयार पार्दाको समय १२ः४५ बजेसम्ममा मार्केट डेप्थमा कम्पनीको शेयरमा खरीद माग ३ हजार छ भने विक्री माग १५ सय रहेको छ ।