आज थप ९ हजार ४ सय ८३ जनामा कोरोना पुष्टि

२८ बैशाख, काठमाडौं । नेपालमा मंगलबार थप ९ हजार ४ सय ८३ जनामा कोरोना भाइरस संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार यससँगै देशभर हालसम्म कोरोना भाइरसबाट संक्रमित हुनेको संख्या ४ लाख १३ हजार १११ पुगेको छ।

यस्तै पछिल्लो २४ घण्टामा कोरोना भाइरसबाट थप २२५ जनाको मृत्यु भएको छ । यससँगै हालसम्म कोरोनाबाट मृत्यु हुनेको संख्या ४०८४ पुगको मन्त्रालयले जनाएकाे छ ।  यसअघि सोमबार देशभर ९ हजार २७१ जनामा संक्रमण पुष्टि भएको थियो भने १३९ जनाको मृत्यु भएको थियो ।

मन्त्रालयका अनुसार गत २४ घण्टामा २० हजार ५९६ पीसीआर तथा ७२० एन्टिजेन परीक्षण भएको छ। गत २४ घण्टामा ५ हजार २२५ जना डिस्चार्ज भएका छन्।