बुधबार यी नौ कम्पनीको शेयरमूल्य उच्च दरमा वृद्धि

२९ वैशाख, काठमाडौं । साताको चौथो कारोबार दिन बुधवार तेस्रो घण्टाको कारोबार अवधिमा कारोबारमा आएका २०४ कम्पनीमध्ये ९ कम्पनीको शेयर मूल्य उच्च दरले वृद्धि भएको छ ।

उक्त अवधिसम्ममा सबैभन्दा बढी बोटलर्स नेपाल तराईको शेयर मूल्य अघिल्लो कारोबार दिनको तुलनामा १० प्रतिशतले वृद्धि भएको छ ।

त्यसैगरी बिशाल बजार कम्पनीको शेयर मूल्य ९ दशमलव ९९ प्रतिशत, रुरु जलविद्युत् परियोजनाको ९ दशमलव ९७ प्रतिशत, समता घरेलु लघुवित्त वित्तीय संस्थाको शेयर मूल्य ९ दशमलव ९६ प्रतिशत, खानिखोला, जोशि हाइड्रो, युनियन हाइड्रो र नारायणी डेभलपमेन्ट बैंकको शेयर ८ दशमलव ४२ प्रतिशतका दरले वृद्धि भएको छ । ती ९ वटै कम्पनीको शेयरमा विक्रेताभन्दा क्रेता धेरै भएकाले शेयर मूल्यमा वृद्धि भएको हो ।

बोटलर्स नेपाल तराईको शेयर मूल्य प्रतिकित्ता ११ हजार ७१ पुगेको हो । त्यसैगरी बिशाल बजार कम्पनीको शेयर मूल्य ५ हजार ३८६, रू रू जलविद्युत् परियोजनाको ७२८, समता लघुवित्तको शेयर मूल्य १ हजार ६० र नारायणी डेभलपमेन्ट बैंकको शेयरमूल्य ६१५ पुगेको छ ।