बिहीबारबाट बीमा कम्पनीका सबै शाखाहरु बन्द हुने

२९ बैशाख, काठमाडाैं । बिहीबारबाट बीमा कम्पनीका सबै शाखाहरु बन्द हुने भएका छन् । बीमा कम्पनीका सबै शाखा कार्यालयहरु बन्द गर्न नियामक निकाय बीमा समितिले निर्देशन दिएको हो ।

कोरोना संक्रमणको अवस्था भयावह भएको भन्दै समितिले बिहीबारबाट लागू हुने गरी सब शाखा बन्द गर्न निर्देशन दिएको बताइएको छ । समितिका कार्यकारी निर्देशक राजुरमण पौडेलका अनुसार अब १३ गतेसम्म कम्पनीहरुले शाखा बन्द गर्नेछन् । अत्यावश्यक कामका लागि कर्पोरेट कार्यालय खोल्न सक्ने उनले बताए ।