इजरायल र प्यालेस्टाइनबीच तनाव, युद्ध हुनसक्ने राष्ट्रसंघकाे चेतावनी

३० बैशाख, काठमाडाैं ।  इजरायल र प्यालेस्टाइनबीच तनाव झन् बढेको छ । हिजो राति पनि दुई पक्षबीच बम हानाहान भएको छ । यो क्रम सोमबारदेखि सुरू भएको हो ।

इजरायलले हवाई आक्रमण गरी हमासका केही वरिष्ठ कमाण्डर मारिदिएएको छ भने गाजामा बहुतले भवन ध्वस्त पारिदिएको बीबीसीले उल्लेख गरेको छ । त्यसपछि हमास विद्रोहीहरूले इजरायलमाथि दर्जनौँ रकेट बम हानेका छन् ।

दक्षिण इजरायलका विभिन्न ठाउँमा रकेट प्रहार भइरहेको छ । यस क्षेत्रमा एक बालकको मृत्यु भएको छ । तनाव बढेसँगै संयुक्त राष्ट्रसङ्घले ठूलो युद्ध हुनसक्ने चेतावनी दिएको छ ।

बीबीसीका अनुसार सोमवारयता गाजामा १४ बालबालिकासहित ६५ जना मारिएका छन् भने इजरायलतिरका सात जनाले ज्यान गुमाएका छन् । मुस्लिम तथा यहुदी दुवैले पवित्र स्थल मान्ने अल अक्सा मस्जिदलाई लिएर पछिल्लो विवाद चर्किएको थियो ।