दिव्यश्वरी हाइड्रो र समता लघुवित्तको शेयरमूल्य १० प्रतिशतले बढ्यो, शेयरमूल्य कति ?

३० वैशाख, काठमाडौं । बिहीवार कारोबारको तेस्रो घण्टामा नेप्से परिसूचक ११ दशमलव ३० अंकले बढेर २ हजार ६८५ दशमलव ४२ विन्दुमा पुगेको छ । यस अवधिमा परिसूचक शून्य दशमलव ४२ प्रतिशतले बढेको हो ।

दोस्रो घण्टाको अवधिमा २०८ ओटा कम्पनीको ५ अर्ब ३५ करोड ७ लाख ४२ हजार बराबरको शेयर खरीदविक्री भएको छ ।

कारोबारको दोस्रो घण्टामा दिव्यश्वरी हाइड्रोपावर र समता घरेलु लघुवित्तको शेयरमूल्य १० प्रतिशतले बढेको छ । त्यस्तै, रु रु जलविद्युत् परियोजना, जोशी हाइड्रोपावर, प्रोग्रेशिभ फाइनान्स, खानीखोला हाइड्रोपावर, बेष्ट फाइनान्स, युनियन हाइड्रोपावर र आखुँखोला जलविद्युतको शेयरमूल्य ९ प्रतिशतभन्दा बढीले वृद्धि भएको छ ।

यस अवधिसम्म नेशनल हाइड्रोपावरको सर्वाधिक कारोबार भएको छ । उक्त कम्पनीको १३ करोड ७९ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य १७८ मा कारोबार भइरहेको छ ।

दोस्रो घण्टामा कारोबारमा आएका १३ ओटा समूहको परिसूचकमध्ये होटल्स तथा पर्यटन, विकास बैंक र म्युचुअल फण्ड समूहको परिसूचक घटेको छ भने बाँकी बैंकिङ, व्यापार, जलविद्युत्, वित्त, निर्जीवन बीमा, उत्पादन तथा प्रशोधन, अन्य लघुवित्त, जीवन बीमा र लगानी समूहको परिसूचक बढेको छ ।