बहुमतीय सरकार गठन गर्न नसकिने कांग्रेस-माओवादीको निष्कर्ष
कुसुम सेञ्चुरी
बैशाख ३०, २०७८ शुक्रबार ०:३:३९
३० बैशाख, काठमाडौं । नेकपा एमालेको नेतृत्वमा बनेको सरकार ढलेपछि बहुमतीय सरकार गठनका लागि कसरत गरेका नेपाली कांग्रेस र माओवादी केन्द्र दुवै दलले आफूहरुको नेतृत्वमा सरकार बन्ने संभावना कम रहेको आफ्ना नेताहरुलाई जानकारी दिन लागेका छन् ।
जसपाको महन्थ–राजेन्द्र पक्षको ओलीमोह र एमालेभित्रको माधव नेपाल पक्षको निरीहपनका कारण सरकार गठनको प्रयास सफल हुन नसकेको भन्दै माओवादी केन्द्रले स्थायी कमिटीको बैठक राखेको छ ।
कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल (प्रचण्ड)का बीचमा देउवा निवास बुढानीलकण्ठमा भएको छलफलपछि दुवै दलले आ–आफना प्रभावशाली नेताहरुलाई यसबीचका घटनाक्रमका बारेमा विफ्रिङ गरेका छन् ।
देउवाले अहिले आफ्नै निवास बुढानीलकन्ठमा पार्टीका पदाधिकारी तथा पूर्वपदाधिकारीहरुको बैठक बोलाएका थिए । प्रचण्डले पनि पार्टी कार्यालय कोटेश्वरमा स्थायी समिति सदस्यहरुको बैठक बोलाएका राखेका छन् । जसपाभित्र महन्थ र राजेन्द्रलाई ओलीदेखि अन्य देशी विदेशी शक्तिहरुले प्रयोग गरे, अन्तत उनीहरु ओलीकै सहयोगी बन्न तयार भए, एमालेभित्रकै माधव नेपाल पक्ष पनि निरीह जस्तो मात्रै बन्न पुगेको भन्दै उनीहरुले स्थायी कमिटी बैठकमा नेताहरुलाई व्रिफिङ गरेका हुन् ।
‘ओलीले भुलभुलैयामै मात्र अल्झाउन सफल रहे, जसका कारण संसदको गणितका आधारमा बहुमतीय सरकार बनाउने गरी संख्या पुर्यउन सकिएन’ माओवादी केन्द्रका एक स्थायी समिति सदस्यले भने । माओवादी केन्द्रका ती सदस्यका अनुसार देउवाले पार्टी बैठकमा प्रयासहरुका बारेमा विफ्रिङ गरेको र अध्यक्ष प्रचण्डले त्यही विफ्रिङका लागि अहिले स्थायी समिति बोलाएका हुन् ।
प्रधानमन्त्री ओलीले सोमबार संसदमा विश्वासको मत प्राप्त गर्न नसकेपछि स्वत पदमुक्त भएका थिए । त्यसपछि राष्टपति विद्यादेवी भण्डारीले राजनीतिक दलहरुलाई आज साँझ ९ बजेसम्मको समय दिएर बहुमतीय सरकार गठनको आह्वान गरेकी थिइन् । तर सरकार बनाउनका लागि आवश्यक १३६ सांसद विपक्षी गठबन्धनले जुटाउन सकेनन ।
कांग्रेसका ६१, माओवादी केन्द्रका ४८ र उपेन्द्र यादव पक्षका १५ सांसद वैकल्पिक सरकार गठनका लागि तयार भएपनि जसपाकै महन्थ–राजेन्द्र पक्षदेखि एमालेकै नेपाल समुहले निर्णय नदिएका कारण सरकार गठनको सम्भावना टरेको हो । एमालेसँग १२१ सदस्य छ ।
जसपाको महन्थ राजेन्द्र पक्षसँग पनि कम्तीमा १५ सांसद देखिन्छन् । ओली र नेपालबीच पनि साढे तीन घण्टादेखि वार्तामा रहेका छन् भने ओलीले आज बिहानै नेपाल पक्षका चार नेताको निलम्बन फूकुवा गरेका थिए ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपआफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
सत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
अदालतका तहसिलदार विरुद्ध जवरजस्तीकरणीमा मुद्धा दर्ता, फरार पाण्डे खोज्न प्रहरी परीचालन
बैशाख १४, २०८१ शुक्रबार
पहिलो पटक हुम्ला पुगे दुई टिपर, स्थानीयले गरे फूलमालाले स्वागत !
बैशाख १४, २०८१ शुक्रबार
जनताको उन्नति र प्रगति नै कांग्रेसको चाहना हो : सभापति देउवा
बैशाख १४, २०८१ शुक्रबार
बागमती प्रदेशका सरकारी कार्यालयको बोर्ड तीन भाषामा
बैशाख १४, २०८१ शुक्रबार
टियुमा अभ्यास गर्दै वेस्ट इन्डिज 'ए' टिम
बैशाख १४, २०८१ शुक्रबार
रेशम चौधरीको मुद्दामा मिसिल झिकाउन सर्वाेच्च अदालतको आदेश
बैशाख १४, २०८१ शुक्रबार