जोखिम बढेसँगै आन्तरिक उडान अनिश्चितकालका लागि बन्द

३० बैशाख, काठमाडौं । कोरोना भाइरसको जोखिम बढेसँगै आन्तरिक उडान अनिश्चितकालका लागि बन्द भएको छ । आन्तरिक उडान अर्को सूचना जारी नभएसम्मका लागि रोक लगाइएको हो।

नेपाल नागरिक उड्डयन प्राधिकरणले बिहीबार एक सूचना जारी गर्दै अर्को सूचना जारी नभएसम्म आन्तरिक उडानमा लगाइएको रोक यथावत् रहने जनाएको छ।

कोभिड १९ संक्रमणमा वृद्धि भइरहेको उल्लेख गर्दै उक्त निर्णय भएको सूचनामा उल्लेख गरिएको छ। कार्गो, उद्धार र विशेष उडानहरु भने निरन्तर हुने समेत प्राधिकरणले जनाएको छ। सरकारले यसअघि वैशाख मसान्तसम्म आन्तरिक उडानलाई रोक लगाउने निर्णय गरेको थियो।