डब्ल्यूएचओ भन्छ, भाइरसका कारण नेपाल आपत्‌कालीन स्थितिमा !

१ जेठ काठमाडौं ।  विश्व स्वास्थ्य संगठन (डब्ल्यूएचओ) ले नेपालमा बढ्दो कोरोना भाइरसको संक्रमणका कारण  आपत्‌कालीन स्थिति निम्तिएको भन्दै त्यसतर्फ गम्भिर बन्न सरकारलाई सचेत गराएको छ। पछिल्लो तथ्यङ्क अनुसार नेपालमा कुल सक्रमितको संख्या ४ लाख ३९ हजार  नाघेको छ भने दैनिक ८ हजार बढी संक्रमित थपिदै आएका छन र २ सय बढीले भाइरसका कारण ज्यान गुमाउँदै आएका छन् । राजधानी काठमाडौं लगायत अस्पतलहरुमा अक्सिजन र वेडको अभाव सृजना भइरहेको वेला डब्ल्यूएचओका अधिकारीहरुको यस्तो भनाई बाहिर आएको हो ।

डब्ल्यूएचओका प्रमुख डा. टेड्रोस अदोनम गेब्रियसेसले कोरोना भाइरसका कारण नेपाल, श्रीलंका लगायतका देशमा आपत्‌कालीन स्थिति निम्तिएको र महामारीबाट भारतको अवस्था निकै चिन्ताजनक भएको बताएका हुन । एसियका नेपाल, श्रीलंका, भियतनाम, थाइल्याण्ड र इजिप्टमा आपतकालीन स्थिति निम्तिएको भारतका कयौं राज्यमा अहिले पनि संक्रमणदर नघटेको, अस्पतालहरूले बिरामी थेग्न नसकेको र संक्रमितको मृत्यु बढिरहेको जनाउँदै टेड्रोसले सरकारलाई गम्भीर हुन आग्रह गरेका हुन्।

भारतमा अहिलेसम्म २ करोड ४३ लाख बढी सक्रमित भएका छन् भने २ लाख ६६ हजार ले  कोरोना भइरसका कारण ज्यान गुमाएका छन् । करीव तीन लाख दैनिक संक्रमण र ४ हजार बढीको दैनिक जसो भाइरसका कारण निधन हुने गरेको वल्डोमिटरको तथ्यमङ्कले देखाएको छ ।