चार वाणिज्य बैंक र नेपाल पुनर्बीमासहित दश कम्पनीको उच्च शेयर माग, कुनको कति ?

२ जेठ, काठमाडौं । आइतबार शेयरबजारमा चार वाणिज्य बैंक र पुनर्बीमा कम्पनीसहित दश कम्पनीको शेयर खरिद माग उच्च रहेको छ । यस दिन नेपाल बंगलादेश बैंक, मेगा, सनराइज र नेपाल बैंकसहित अन्य ६ कम्पनीको शेयर खरिद माग उच्च देखिएको हो ।

यस दिन नेपाल इन्फ्रास्ट्रक्चर बैंक, अरुण भ्याली हाइड्रो, युनाइटेड मोदी हाइड्रो, नेपाल पुनर्बीमा र समता घरेलु लघुवित्तको शेयरमा उच्च शेयर खरिद माग रहेको छ ।

नेपाल बंगलादेश बैंक

नेपाल बंगलादेश बैंकको शेयरमा खरिद माग उच्च रहेको छ । बैंकको शेयरमा १० लाख ४५ हजार कित्ता खरिद माग रहेको छ ।

बैंकको शेयरमा १० लाख ४५ हजार कित्ता खरिद माग आउँदा १ लाख ३२ हजार कित्ता बिक्री आदेश रहेको छ । यस दिनसम्म बैंकको शेयरमूल्य ३८० रुपैयाँ पुगेको छ ।

नेपाल इन्फ्रास्ट्रक्चर बैंक

यस दिन बजार बन्द हुने समयमा सबैभन्दा बढि नेपाल इन्फ्रास्ट्रक्चर बैंकको शेयरमा उच्च खरिद माग देखिएको हो । बैंकको शेयरमा ७ लाख ४ हजार कित्ता खरिद माग रहेको छ ।

बैंकको शेयरमा ७ लाख ४ हजार कित्ता खरिद माग आउँदा १ लाख २९ हजार कित्ता बिक्री आदेश रहेको छ । यस दिनसम्म बैंकको शेयरमूल्य ५५१ रुपैयाँ पुगेको छ ।

चार महिना अगाडि बैंकले अहिलेसम्मकै ठूलो संख्याको आईपीओ निष्कासन गरेको थियो । आईपीओ बिक्री पश्चात कम्पनीले संस्थापक र सर्वसाधारण तर्फको गरी कुल २० लाख कित्ता शेयर नेप्सेमा सूचीकृत गरेको हो ।

नेप्सेले कम्पनीको पहिलो कारोबारका लागि प्रतिकित्ता ११३ दशमलव ६२ देखि ३४० दशमलव ८६ सम्मको मूल्य रेञ्ज तोकेको थियो । सूरुवाती केही दिनहरुमा सर्किट लाग्दै सात बढि शेयरमूल्य पुगेको बैंकको शेयरमूल्य घटेर यतिबेला ५ सय ३७ रुपैयाँ रहेको छ ।

मेगा बैंक

मेगा बैंकको शेयरमा खरिद माग उच्च रहेको छ । बैंकको शेयरमा ४ लाख ५२ हजार कित्ता खरिद माग रहेको छ ।

हालै मेगा बैंकले तेस्रो त्रैमासको वित्तीय विवरण सार्वजनिक गरेको हो । उक्त विवरणका अनुसार बैंकले चालु आवको ९ महिनामा ३५.९५ प्रतिशतले मुनाफा बढाएको छ ।

गत आवको सोही अवधिमा १ अर्ब ४५ करोड १० लाख ९० हजार रुपैयाँ मुनाफा गरेकोमा बैंकले चालु आवको सोही अवधिमा मुनाफा बढाएर १ अर्ब ९७ करोड २७ लाख ५५ हजार रुपैयाँ पुर्याएको छ ।

समता घरेलु लघुवित्त

यस दिन समता घरेलु लघुवित्तको शेयरमा खरिद माग उच्च रहेको छ । घरेलु लघुवित्त र समता लघुवित्त मर्जर भई समता घरेलु लघुवित्तको एकीकृत कारोबार सुरु भएसंगै लघुवित्तको शेयरमा खरिद माग उच्च रहेको छ ।

आज लघुवित्तको शेयरमा करिब ३ लाख ३५ हजार कित्ता खरिद माग रहेको छ । उच्च शेयर खरिद माग रहेको लघुवित्तको शेयरमूल्य एक हजार बढि पुगेको छ ।

यस दिन अरुण भ्याली हाइड्रोको शेयरमा ७ लाख ३४ हजार कित्ता शेयर खरिद माग रहेको छ । त्यस्तै, युनाइटेड मोदी हाइड्रोको शेयरमा ३ लाख ९३ हजार कित्ता,नेपाल पुनर्बीमाको शेयरमा २ लाख ६९ हजार, नेपाल बैंकको शेयरमा २ लाख २७ हजार, सनराइज बैंकको शेयरमा २ लाख ५६ हजार र गरिमा बैंकको शेयरमा २ लाख १५ हजार कित्ता खरिद माग रहेको छ ।

कुन कम्पनीको शेयर कति माग