माओवादी केन्द्र पुनर्सरचनाका लागि सुझाव माग्दै ‘प्रचण्ड’

३ जेठ, काठमाडौं ।  कम्युनिष्ट पार्टी नेकपा खारेजीमा नपुगेको भए अध्यक्ष पुष्पकमल दाहाल ‘प्रचण्ड’ले सायद आज जेठ ३ गते नेकपा स्थापना दिवसको शुभकामना दिइरहेका हुन्थे । तर  एकता घोषणाको तीन बर्ष बित्न नपाउँदै एकता खारेजीका कारण प्रचण्ड यतिबेला त्यही एकता र बिघटनले घाइते बनेको  पुरानै दल नेकपा माओवादी केन्द्रलाई कसरी बलियो बनाउने सकिन्छ भन्ने विषयमा सुझाव माग्ने अवस्थमा आइपुगेका छन् ।

अध्यक्ष प्रचण्डले पार्टी पुनर्सरचनाका लागि सुझाव मागेका छन् । प्रचण्डले आफ्नो फेसबुक पेजमार्फत् पार्टीलाई पुनर्सरचनाका लागि आवश्यक सुझाव मागेका हुन ।

पार्टी नेकपा (माओवादी केन्द्र) द्वारा आगामी दिनका लागि विचार, राजनीतिक, संगठनात्मक संरचना, घाइते अपॉग एवं शहिद परिवार लगायत नेता कार्यकताको आचरण अनि व्यवस्थापन र जिम्मेवारीको बारेमा नयॉ ढंगले अगाडी बढाउने सोच राखेकोले उचित राय सल्लाह सुझावको अपेक्षा गरिएको छ। प्रचण्डले फेसबुकमा लेखेका छन् ,प्रचण्डले आफ्नो राय सल्लाह सुझाव इमेलमा पठाउन आग्रह गरेका छन् ।