लमजुङको भुलभुले केन्द्रविन्दु भएर ५.८ रेक्टरको भूकम्प !

५ जेठ, काठमाडौं । काठमाडौं उपत्यकासहितका क्षेत्रमा भूकम्पको धक्का महसुस भएको छ । बुधबार बिहान ५ः४५ बजे भूकम्पको धक्का महसुस भएका हो ।भूकम्पले घरहरु हल्लिएका थिए ।

लमजुङको भुलभुले केन्द्रविन्दु भएर ५.८ रेक्टर स्केलको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ । भूकम्पको धक्का काठमाडौंसम्ममा महसुस गरिएको छ ।

पुराना घरहरु भत्किएको बाहेक थप क्षतिको विवरण आइसकेको छैन । भूकम्प ठूलो आएकोले यसले कति मानवीय क्षति पुर्‍यायो कि पुर्‍याएन भन्ने बारेमा यकिन  जानकारी प्राप्त भइसकेको छैन ।

भूकम्पको धक्का लमजुङ, गोरखा, तनहुँ, कास्की, मनाङ, चितवन, धादिङ र काठमाडौँ उपत्यकामा समेत महसुस गरिएको थियो ।