सातजना मन्त्रीलाई हटाउन सर्वाेच्चको अन्तरिम आदेश

६ जेठ, काठमाडैं । “चोक्टा खान गएकी बूढी झोलमा डुबेर मरी” भन्ने नेपाली उखान यतिबेला गृहमन्त्री रामबहादुर थापा ‘बादल’ लगायत माओवादी पार्टी त्यागेर मन्त्री खान एमालेतिर लागेका सातजनाका लागि ठ्याक्कै मिलेको छ ।

सर्वाेच्च अदालतले आज सांसद नरहेका सातजना मन्त्रीहरुलाई पदमुक्त गर्न अन्तरिम आदेश जारी गरेपछि यस्तो अवस्था आइलागेको हो ।प्रधानन्यायधीश चोलेन्द्र शमशेर राणाको एकल इजलाशले यस्तो आदेश गरेको हो ।

संविधान बमोजिम संघीय संसद सदस्य नरहेका व्यक्ति बढीमा ६ महिना मन्त्री बन्न पाउने व्यवस्था रहेको र पटक पटक यस्तो सुविधा प्राप्त हुन नसक्ने भन्दै सातजना मन्त्रीलाई मन्त्रीको हैसियतमा काम गर्न रोक लगाउने फैसला भएको छ ।

यस्तो आदेश आएपछि पदमुक्त हुनेहरुमा गृहमन्त्री थापाका अतिरिक्त टोपबहादु रायमाझी, लेखराज भट्ट, प्रभु साह, मणिचन्द्र थापा,गौरीशंकर चौधरी र दावा लामा रहेका छन् । अधिवक्ता कपिलदेव ढकाल र रविराज थापाले सात मन्त्रीको नियुक्ति बदर माग गर्दै सर्वोच्चमा रिट दायर गरेका थिए ।