कर्पोरेट डेभलपमेन्ट बैंकसहित तीन कम्पनीको साढे ११ अर्बको हकप्रद आउँदै, कुनको कित्ता कति ?

७ जेठ, काठमाडौं । शेयरबजारमा एक विकास बैंकसहित तीन कम्पनीले हकप्रद शेयर निष्काशन गर्ने भएका छन् । शेयरबजारमा कर्पोरेट डेभलपमेन्ट बैंक, हाइड्रो इलेक्ट्रिसिटी इन्भेष्टमेन्ट एण्ड डेभलपमेन्ट कम्पनी र छ्याङ्दी हाइड्रोपावर लिमिटेडले हकप्रद निष्कासन गर्न लागेका हुन् ।

तीन वटै कम्पनीले ११ अर्ब ३८ करोड ९३ लाख २ हजार ५ सय रुपैयाँ बराबरको ११ करोड ३८ लाख ९३ हजार २५ कित्ता हकप्रद शेयर निष्काशनका लागि अनुमति माग्दै बोर्डमा निवेदन दिएका छन् । सेबोनले स्वीकृति दिएसँगै यी कम्पनीको हकप्रद बिक्री गर्नेछन् ।

हाइड्रो इलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेड

हाइड्रो इलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेडले १ बराबर १ को अनुपातमा हकप्रद शेयर निष्कासन गर्ने भएको छ । कम्पनीले ११ अर्ब रुपैयाँ बराबरको ११ करोड कित्ता हकप्रद निष्कासन गर्नेछ । कम्पनीको उक्त हकप्रद शेयरमा निष्कासन तथा बिक्री प्रबन्धकको काम ग्लोबल आइएमई क्यापिटल लिमिटेडले गर्नेछ ।

कर्पोरेट डेभलपमेन्ट बैंक लिमिटेड

कर्पोरेट डेभलपमेन्ट बैंक लिमिटेडले १:१.५ अनुपात अर्थात १५० प्रतिशत हकप्रद निष्कासन गर्ने भएको छ ।
बैंकले ३० करोड रुपैयाँ बराबरको ३० लाख कित्ता हकप्रद शेयर जारी गर्ने भएको हो । बैंकले हकप्रद निष्कासनका लागि सिभिल क्यापिटल लिमिटेडलाई धितोपत्र निष्काशन तथा बिक्री प्रबन्धक चयन गरेको छ ।

छ्याङ्दी हाइड्रोपावर लिमिटेड

छ्याङ्दी हाइड्रोपावर लिमिटेडले १० बराबर ३ अनुपातमा हकप्रद शेयर निष्काशन गर्ने भएको छ । कम्पनीले ८ करोड ९३ लाख २ हजार ५०० रुपैयाँ बराबरको प्रतिकित्ता १०० अंकित दरका ८ लाख ९३ हजार २५ कित्ता हकप्रद शेयरजारी गर्ने भएको हो । कम्पनीको उक्त हकप्रद शेयरमा निष्कासन तथा बिक्री प्रबन्धकको काम ग्लोबल आइएमई क्यापिटल लिमिटेडले गर्नेछ।