विपक्षीसँग भेट्दै राष्ट्रपति

७ जेठ, काठमाडौं । विपक्षीहरुले वहुमत जुटाएको खबर पाउने वित्तिकै शीतल निवास हान्निएका प्रधानमन्त्री केपी ओलीले आफ्नो पक्षमा वहुमत रहेको दाबा पेश गर्दै बाहिरिएका छन् । ओलीले एमालेको १२१ र जनता समाजवादी पार्टीको १६ जनाको हस्ताक्षर बुझाएर फर्किएको स्रोतको दाबी छ ।

तर एमालेकै २७ जना सांसद्ले भने ओलीको पक्षमा नभई कांग्रेस सभापति शेरबहादुर देउवाको पक्षमा हस्ताक्षर गरेका छन् । स्वयं माधव नेपाल अहिले विपक्षी गठबन्धनसँगै शीतल निवासमै छन् ।

एकजना संविधान विद्वका अनुसार, धारा ७६(५) भनेको पार्टीसँग सम्बन्धित छैन । यो त सांसद्हरुका लागि मात्रै गरिएको व्यवस्था हो । त्यसैले माधव पक्षका सांसद्ले सनाखत गरेपछि त्यही आधिकारिक मान्नुपर्ने हुन्छ ।