एनआईसी एशिया बैंकको स्वामित्वमा रहको ४१ हजार कित्ता शेयरमा आवेदन गर्ने भोली अन्तिम दिन

९ जेठ, काठमाडौं । एनआईसी एशिया बैंकको स्वामित्वमा रहको नेशनल लाइफ इन्स्योरेन्सको लिलामीमा शेयरमा आवेदन गर्ने अन्तिम दिन सोमवार बैकिङ्ग समयसम्म रहेको छ ।

बैंकले नेशनल लाइफ इन्स्योरेन्सको ४१ हजार ८९६ कित्ता संस्थापक शेयर बैशाख २७ गतेदेखि लिलामीमा ल्याएको हो ।

आवेदकले नेशनल लाइफ इन्स्योरेन्सको शेयर मूल्य प्रतिकित्ता  ४४९ तोकिएको हुँदा सो वा सोभन्दा बढी मूल्य अंकित गरी बोलकबोल गर्नुपर्नेछ । शेयर खरीदका लागि आवेदकले न्यूनतम १०० कित्ता र सो वा सोभन्दा बढी सम्पूर्ण कित्ताका लागि आवेदन गर्न सक्नेछन्।

विक्री प्रबन्धकमा एनआईसी एशिया क्यापिटल लिमिटेड रहेको छ । साथै आवेदकले एनआईसी एशिया बैंकको कर्पोरेट कार्यालय ट्रेड टावर थापाथली काठमाडौं,शाखा कार्यालयहरु विराटनगर, आदर्शनगर वीरगञ्ज, पोखरा, बुटवल, धनगढी र सुर्खेतबाट लिलामी शेयरमा बोलपत्र पेश गर्न सक्नेछन् ।