माधव नेपाल पक्षका २३ सांसदले गरे हस्ताक्षर

१० जेठ, काठमाडौं । प्रतिनिधिसभा विघटनविरुद्ध सर्वोच्च अदालतमा दायर गर्न लागिएको रिटमा एमालेको असन्तुष्ट माधव नेपाल पक्षका २३ जना सांसदले हस्ताक्षर गरेको दाबी गरिएको छ।

कांग्रेस सभापति शेरबहादुर देउवालाई संविधानको धारा ७६(५) अनुसार प्रधानमन्त्री नियुक्त गर्न माग गर्दै माधव नेपाल पक्षका २३ सांसदले हस्ताक्षर गरेका हुन् । केहीबेरमा सर्वोच्च अदालतमा सशरीर उपस्थित भएर रिट दर्ता गर्ने तयारी छ ।

सर्वोच्च जानुअघि नेकपा एमालेको नेता माधवकुमार नेपाललगायतका नेता सिंहदरबारमा भेला भएका हुन् । हिजो २१ सांसदले हस्ताक्षर गरेकोमा आज थप ९ सांसदले हस्ताक्षर गरेसँगै सांसदको संख्या २३ पुगेको हाे ।

अहिले माधव नेपाल पनि सिंहदरबारमा पुगेका छन् भने विपक्षी गठबन्धनका अरु सांसद र शीर्ष नेताहरु पनि सिंहदरबारमा रहेका छन् । विपक्षी गठबन्धनका नेताहरुले कांग्रेस सभापति देउवालाई सर्वोच्च अदालतबाटै प्रधानमन्त्री नियुक्तिका लागि परमादेश जारी हुनुपर्ने माग गरेका छन् ।

यी हुन् हस्ताक्षर गर्ने सांसदहरू