चार जलविद्युत् कम्पनीको शेयरमूल्य ९% भन्दा बढीले वृद्धि

११ जेठ, काठमाडौं । मंगलवार चार जलविद्युत् कम्पनीको शेयरमूल्य ९ प्रतिशत भन्दा बढीले वृद्धि भएको छ । कारोबारको तेस्रो घण्टामा बरुण हाइड्रोपावर, माउन्टेन हाइड्रो नेपाल, घलेम्दी हाइड्रो र युनिभर्सल पावर कम्पनीको शेयरमूल्य ९ प्रतिशतभन्दा बढीले वृद्धि भएको छ ।

यस अवधिसम्म सूर्या लाइफ इन्स्योरेन्को सर्वाधिक कारोबार भएको छ । उक्त कम्पनीको  २४ करोड ६४ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य  १ हजार ५८ मा कारोबार भइरहेको छ ।

कारोबार रकमकै आधारमा सर्वाधिक कारोबार हुने दोस्रो कम्पनीमा एशियन लाइफ इन्स्योरेन्स रहेको छ । उक्त कम्पनीको प्रतिकित्ता  १ हजार ४१८ मा २१ करोड ५९ लाख बराबरको शेयर खरीदविक्री भएको छ ।