धारिलो हतियार प्रहार गरी बाबुले छोराको हत्या गरे

१३ जेठ, बाँके । बाँकेको कोहलपुरमा आफ्नै बाबुले छोराको हत्या गरेका छन्। बुधबार कोहलपुर नगरपालिका वडा नं १२ चपरगौडीमा आफ्नै धारिलो हतियार प्रहार गरी हत्या गरेको प्रहरी जनाएको छ ।

बुधबार साँझ ९ बजेको समयमा बाबू छोराको बिचमा विबाद हुदा अन्दाजी ५० वर्षीय बुबा ठाकुर प्रसाद वलीले अन्दाजी १८ बर्षिय छोरा पोषण वलीलाई धारिलो हतियार प्रयोग गरी हत्या गरेका हुन्।

धारिलो हतियार खुर्पाद्वारा गर्धनमा प्रहार गरी गम्भीर चोट लागेका वलीलाई उपचारको लागी भेरी अञ्चल अस्पताल नेपालगन्जमा पुर्याइए पनि केही समयमा नै अस्पतालले मृत घोषणा गरेको प्रहरीले जनाएको छ ।

छोराको हत्या आरोपमा मृतकका बाबुलाई प्रहरीले पक्राउ गरिसकेको छ।