आज वकीलहरुसँग छलफल गर्दै सभामुख

१३ जेठ, काठमाडौं ।  प्रधानमन्त्री केपी ओलीले दोस्रो पटक प्रतिनिधिसभा विघटन गरेपछि त्यसविरुद्ध जनमत निर्माण गर्न सभामुख अग्निप्रसाद सापकोटाको सकृयता तीब्र भएको छ ।

आज दिउँसो १ बजे सभामुखले यसबारे छलफल गर्न कानूनविद्व, वरिष्ठ अधिवक्ता र संवैधानिक कानूनका ज्ञाताहरुलाई बानेश्वरस्थित संसद भवनमा डाकेकाे सभामुखका प्रेस सल्लाहाकार श्रीधर पौडेलले नेपालबहस डटकमलाई जानकारी दिए ।

यसअघि जेठ ११ गतेसम्म पनि सापकोटाले पूर्व सभामुखहरुसँग यस्तै बैठक आयोजना गरेका थिए । उक्त बैठकले प्रधानमन्त्री र राष्ट्रपतिको कदम असंवैधानिक ठहर गरेको थियो ।

प्रतिनिधिसभा विघटन भएपछि परामर्शमा रहेका सभामुख सापकोटाले आज संविधानविद, कानुन एवम् न्यायिक क्षेत्रका विज्ञहरूसँग छलफल गर्दैछन्। प्रतिनिधिसभा विघटनका विषयमा परामर्श गरेर राय सल्लाह सुझाव लिन लागिएको हो।