किराना पसल बन्द गर्ने सम्वन्धमा नेपाल चेम्वर अफ कमर्सको अवधारणा

१३ जेठ, काठमाडौं । नेपाल सरकार गृह मन्त्रालय काठमाडाैंका प्रमूख जिल्ला अधिकारीबाट, नयां भेरियण्टको कोभिड-१९ महामारीको संक्रमण तीव्र रुपमा वढि रहेको हुंदा उक्त संक्रमण रोकथाम तथा नियन्त्रणका लागि हालै जारी भएको बिज्ञप्ति सम्वन्धमा नेपाल चेम्वर अफ कमर्सको ध्यानाकर्षण भएको छ ।

चेम्बरका महानिर्देशक कैलाश कुमार बजिमयद्धारा जारी विज्ञप्तिमा अनुसार किराना पसलहरु वन्द गर्ने व्यवस्थाले दैनिक रुपमा खरिद गरी उपभोग गर्ने न्युन आय भएका सर्वसाधारण उपभोक्ताहरुलाइ यस व्यवस्थाले मर्कामा पर्ने जनाइएको छ ।

आम नागरिकको मर्कालाई ध्यानमा राख्दै चेम्बरले विज्ञप्ति मार्फत किराना पसलहरुमा खाद्यान्न, किराना सामान, दूध, पानी तथा तरकारी पनि बिक्री हुने भएकोले किराना पसल वन्द गरिदा अति आवश्यक उपभोग्य वस्तुहरु सर्व साधारणलाइ सुलभ आपूर्ति नहुने भएकोले तोकिएको मापदण्डको भौतिक दूरी कायम गरी सुरक्षाका समस्त मापदण्ड कडाइका साथ लागू गर्ने व्यवस्था गरी साबिक बमोजिम किराना पसल खोल्ने व्यवस्थाका लागि सम्वन्धित निकाय समक्ष आग्रह गरेको छ ।