प्रधानमन्त्री रोजगार कार्यक्रममा सूचीकृत बेरोजगार मध्ये जम्मा ४ प्रतिशतलाई रोजगारी !

१५ जेठ, काठमाडौं । सरकारको महत्वकांक्षी कार्यक्रम अन्तर्गत रहेको प्रधामन्त्री रोजगार कार्यक्रममा रोजगारी पाउन सूचीकृत भएका बेरोजगार मध्ये जम्मा ४ प्रतिशतले मात्र चालु आर्थिक बर्षमा रोजगार प्राप्त गरेका छन् ।

चालु आर्थिक बर्षमा ७ लाख ४३ हजार ५ सय ३ बेरोगार मध्ये जम्मा ३३ हजारले मात्र रोजगारी प्राप्त गरेको अर्थमन्त्रालयद्वारा हिजो सार्वजकिन आर्थिक सर्वेक्षणमा उल्लेख छ ।

प्रधानमन्त्री रोजगार कार्यक्रम अन्तर्गत अघिल्लो आर्थिक बर्षमा १ लाख ५ हजार छ सय ३५ जनाले रोजागरी प्राप्त गरेका थिए ।तर चालु आर्थिक बर्षमा बेरोजगार सूचिमा सुचिकृत हुने ७ लाख बढी बेरोजगार मध्ये जम्म ३३ हजार ७ सय ५३ ले मात्र रोजगारी प्राप्त गरेका छन् ।