उपत्यकामा निषेधाज्ञा खुकुलो बनाइन आज संयुक्त बैठक बस्दै

१९ जेठ, काठमाडौं । काठमाडौ उपत्यकामा निषेधाज्ञा थप गर्ने विषयमा निर्णय लिन तीन जिल्लाका प्रमुख जिल्ला अधिकारी, सुरक्षा निकाय एव स्वास्थ्य अधिकारीहरुको संयुक्त बैठक पुन  बस्दैछ । आज बस्ने बैठकले काठमाडौं उपत्यकाका जेठ ३० गते सम्म निषेधाज्ञा थपको निर्णय गर्ने बताइएको छ ।

यस अघि १ हप्ता थप गरिएको निधेधाज्ञा भोलीबाट सकिदै छ । निषेधाज्ञा १० दिन थपिएपनि आदेश भने केही खुकुलो बनाइने तयारी गरिएको छ ।  अब २० गतेपछि किराना पसल, डिपार्टमेन्टल स्टोर र स्टेनरी किताव पसल पनि विहान नौ बजेसम्म खोल्न दिने तयारी  छ ।

त्यसै गरी निजी तथा सार्वजनिक निर्माणको काम पनि चलाउन निर्माण कार्य नरोक्ने गरी आदेश परिमार्जन गरिने भएको छ । उपत्यकामा गएको वैशाख १६ गतेदेखि निषेधाज्ञा लागू गरिएको थियो ।

निषेधाज्ञापछि उपत्यकामा कोभिड १९ को संक्रमण केही कम हुँदै आएको चिकित्सकहरुले बताएका छन् ।