टिक्न नसकेको ओली – राणा सेटिङ
नेपालबहस संवाददाता
जेठ १९, २०७८ बुधबार १७:५६:३१
समाचार टिप्पणी
१९ जेठ, कठमाडौं । प्रसिद्ध फ्रेञ्च दार्शनिक मन्टेस्क्यूले प्रतिपादन गरेको “पावर अफ सेपरेसन एण्ड व्यालेन्स” संसारमै स्वीकारिएको सिद्धान्त हो । राज्यका तीन अंग कार्यपालिका, व्यवस्थापिका र न्यायपालिकाबीच शक्तिको बाँडफाँड र सन्तुलनको यो सिद्धान्तले नै लोकतन्त्रको जग बलियो बनाउने ठम्याई छ । लोकतान्त्रिक शासन प्रणाली अपनाइएका सबै मुलुकले यही सिद्धान्त अबलम्बन गरेका हुन्छन् ।
लोकतन्त्रलाई बलियो बनाउन कार्यपालिका अर्थात प्रधानमन्त्री, व्यवस्थापिका अर्थात सभामुख र न्यायपालिका अर्थात, प्रधानन्याधीशबीच मुख्य खम्बा हुन् । यी तीनवटै अंगबीचको शक्ति बाँडफाँड र सन्तुलनले मात्रै लोकतन्त्रको सौन्दर्य प्रष्फुटन हुने हो । राज्यका यी तीनवटै अंगबीचको तालमेल र नियन्त्रित सम्बन्धले सबै क्षेत्र सन्तुलित हुने गर्छ । एक अर्काका आफ्नै सीमा र कार्यक्षेत्र तोकिएका हुन्छन् । कहिलेकाहीं मिलेर काम गर्नुपर्छ भने कहिलेकाहीं नियन्त्रणमुखी भएर । खासगरी संकटका बेला ।
संयोगले नेपालमा यतिबेला संकटकै बेला छ । कार्यपालिकाले पटक पटक व्यवस्थापिकाको हत्या गरिरहेको छ । यस्तो दुश्मनीपूर्ण व्यवहार गर्ने कार्यपालिकालाई नियन्त्रण गर्ने जिम्मेवारी अहिले न्यायपालिकाको काँधमा आएको छ । तर दुर्भाग्य न्यायपालिका प्रमुख नै कार्यपालिकाको मतियार भएर व्यवस्थापिका हत्यालाई वैधता दिन लागेको बजार हल्ला छ ।
प्रधानमन्त्री केपी ओलीले जेठ ७ गते मध्यरातमा प्रतिनिधिसभा दोस्रो पटक भंग गरिदिएका छन् । लगत्तै न्यायपालिका प्रमुख अर्थात, प्रधानन्यायधीश चोलेन्द्रशमशेर राणाले ओलीको दैलो चाहर्न पुगेको हल्ला सार्वजनिक भयो । अर्थात, संकतको बेला न्यायालयले आफ्नो क्षेत्राधिकार भित्र बसेर काम गर्नुपथ्र्याे । प्रधानमन्त्रीले गरेको विघटन एकपटक गलत भनेर व्याख्या गरिसकेको न्यायालयका तिनै प्रमुख दोस्रो पटक रिट पर्नुअघि प्रधानमन्त्रीको सरकारी क्वार्टर, त्यो पनि मध्यरातमा पसेको खबर आउनु आफैंमा उदेकलाग्दो घटना हो ।
उनले हिजो बार पदाधिकारीसँग भने – वरिष्ठ न्यायधीशहरु मसँग खुलेर कुरै गर्दैनन् , अगाडि केही नभन्ने अनि बाहिर कुरा काटेर हिंड्ने यस्तो भएपछि कसरी काम गर्ने ? राणाको प्रश्न भित्रै त्यसको जवाफ छ । त्यो के भने मैले कस्तो व्यवहार गर्ने गरेको रहेछु सिनियर जजहरुसँग भन्नेतिर घोत्लिने हो भने उनले जवाफ आफैंं पाउने थिए । तर राणा त्यति दुख गर्न चाहँदैनन् । त्यसैले न्यायलय नै आज विभाजित स्थितिमा छ । हिजै संवैधानिक इजलाशमा रहेका दुई थरि न्यायाधीशले दिएका दुई थरि राय यसको ज्वलन्त उदाहरण हो ।
यसबारे समाचार लेख्ने पत्रकारहरुलाई अदालतका कर्मचारीले ढिंग्याएर केरकार गरे । तर पत्रकारहरुले आफ्नो अडान त्यागेनन् । आखिर त्यो घटना पछिल्लो घटनाक्रमले सही साबित गरिदिएको छ । त्यही समाचारको बाछिटाले न्यायालय यतिबेला चरम विवादको भूमरीमा फसेको छ । आखिर यो अवस्था किन र कसले ल्यायो त ? प्रष्टै छ–प्रधानन्यायाधीश राणाको व्यवहारले ।
विगतमा कहिल्यै यस्तो सेटिङको कुरा आउँदैनथे । साथै, प्रधानन्यायधीश जस्तो गरिमामय पदमा आसिन व्यक्ति बेकाममा र विवादमा फस्ने गरी कहिल्यै प्रधानमन्त्रीलाई भेट्न आवास चाहरेनन् ,त्यो पनि अँध्यारोमा । हावा नचली पात नहल्लिन भनेजस्तै देखियो । नत्र संवैधानिक इजलाश प्रकरणले यो रुप कसरी लिन्थ्यो ? प्रधानन्यायाधीश राणालाई आफ्ना भरौटे न्यायाधीश नै किन चाहिएको थियो त्यो पनि पुछारमा रहेका वरियताक्रमका ? त्यसैको जवाफ नागरिक समाजले खोज्यो । जसले गर्दा प्रधानन्यायाधीश राणाले गठन भइसकेको संवैधानिक इजलाश खारेज गर्नुप¥यो ।
सर्सर्ती हेर्दा यो घटना एउटा व्यक्तिसँग जोडिएको जस्तो लाग्ला । तर यसको प्रभाव कस्तो होला ? महत्वपूर्ण प्रश्न त्यो हो । न्यायलयप्रतिको जनआस्था र स्वयं न्यायलय भित्र देखापरेको अराजकता अनि सेटिङ र विश्वसनीयता अब कस्तो रहला ? प्रश्न जायज छ । राणाले देखाएको यो केटाकेटी व्यवहारले न्यायालयको साख नै धरापमा परेको छ । बेञ्चप्रति बारको आशंका त थियो थियो, स्वयं बेञ्चकै न्यायमूर्तिहरुले गरेका टिप्पणीले राणा नेतृत्वको न्यायपालिकाको वास्तविक अवस्थाको समग्र चित्र उतारेको छ ।
बार पदाधिकारीहरुसँगको छलफलमा प्रधानन्यायाधीश राणाले यो समस्याको हल निकाल्न संवैधानिक इजलाश पुनर्गठन गर्ने सहमति जनाएका थिए । तर हिजोका लागि तोकिएको इजलाशमा आइपुग्दासम्म राणा पुरानै मनस्थितिमा देखापरे । उनले इजलाशमा पुगेर भनेका थिए– यसपाला यही इजलाश रहन्छ, अर्काेपल्ट भने वरिष्ठहरुको बनाइनेछ ।
संवैधानिक इजलाशमा मुद्धासँग स्वार्थ बाझिने न्यायाधीशहरुको उपस्थितिका सन्दर्भमा प्रश्न उठेपछि प्रधानन्यायाधीश राणाले सर्वाेच्च बारका पदाधिकारीहरुसँग गरेको गुनासोले पनि उनको नेतृत्व क्षमता दर्शाएको छ । उनले हिजो न्यायालयमा आफूलाई वरिष्ठ न्यायधीशहरुले नटेरको गुनासो गरेका थिए । तर किन यस्तो स्थिति आयो त भनेर कहिल्यै समीक्षा गरेनन् । आफ्नो कार्यशैली र व्यवहारकै कारण यो अवस्था आएको भन्नेतिर उनले फिटिक्कै ध्यान दिएनन् । जसले गर्दा न्यायालय आज शंकाको घेरामा छ ।
राणाको गुनासो बढो विचित्रको छ । उनले हिजो बार पदाधिकारीसँग भने – वरिष्ठ न्यायधीशहरु मसँग खुलेर कुरै गर्दैनन् , अगाडि केही नभन्ने अनि बाहिर कुरा काटेर हिंड्ने यस्तो भएपछि कसरी काम गर्ने ? राणाको प्रश्न भित्रै त्यसको जवाफ छ । त्यो के भने मैले कस्तो व्यवहार गर्ने गरेको रहेछु सिनियर जजहरुसँग भन्नेतिर घोत्लिने हो भने उनले जवाफ आफैंं पाउने थिए । तर राणा त्यति दुख गर्न चाहँदैनन् । त्यसैले न्यायलय नै आज विभाजित स्थितिमा छ । हिजै संवैधानिक इजलाशमा रहेका दुई थरि न्यायाधीशले दिएका दुई थरि राय यसको ज्वलन्त उदाहरण हो ।
दुनियाँलाई थाहा छ गत फागुन २३ को फैसला अदालतको उत्ताउलोपनको हद हो । किनभने निवेदकले माग दावी नै नगरेको विषयमा प्रवेश गरेर फैसला गरिएको छ । अर्थात नेकपा विभाजन नै गर्ने भनेर । त्यो विषय अहिले भएको दोस्रो विघटनको मूल जरो हो । अर्थात, त्यही फैसलाको बाइप्रोडक्टका रुपमा विघटन भएको हो । त्यतिबेला यस्तो फैसला हुँदैनथ्यो भने अहिलो देशले नयाँ राजनीतिक कोर्स लिइसक्थ्यो । अर्थात देशमा नयाँ प्रधानमन्त्री हुन्थे र अहिलेको मूल समस्याका रुपमा रहेको कोरोना भाइरसविरुद्ध साझा लडाईं हुन्थ्यो । त्यो कुरा त इजलाशमै रहेका दुई न्यायधीश दीपककुमार कार्की र डा. आनन्दमोहन भट्टराईले प्रष्टै उल्लेख गरेका छन् । यो यथार्थलाई लुकाएर गुनासो गर्ने काम आफैंमा जाली हो ।
बार पदाधिकारीहरुसँगको छलफलमा प्रधानन्यायाधीश राणाले यो समस्याको हल निकाल्न संवैधानिक इजलाश पुनर्गठन गर्ने सहमति जनाएका थिए । तर हिजोका लागि तोकिएको इजलाशमा आइपुग्दासम्म राणा पुरानै मनस्थितिमा देखापरे । उनले इजलाशमा पुगेर भनेका थिए– यसपाला यही इजलाश रहन्छ, अर्काेपल्ट भने वरिष्ठहरुको बनाइनेछ ।
प्रधानन्यायाधीश राणाको यो भनाईले इजलाशमा रहेका कार्की र भट्टराई बिचलित भए । उनीहरुले तत्कालै इजलाश त्याग्ने घोषणा गरे । यति गर्दासम्म पनि राणा गलेका थिएनन् । उनीहरुको ठाउँमा अन्य न्यायाधीश राखेरै निरन्तरता दिन चाहन्थे । तर अरु कसैले पनि नबस्ने बताएपछि भने प्रधानन्यायाधीशका नौ नारी गले । अनि घोषणा गरे अब जेठ २३ गते नयाँ इजलाश पुनर्गठन गरेर मात्रै सुनुवाई थालौं ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
बाल मन्दिरपछि सीआईबीको नजरः टीकापुर, तारागाउँ र हरिसिद्धि तिर
बैशाख ३०, २०८१ आइतबार
सहकारी प्रकरण: रवि विरुद्ध के छ काग्रेससँग प्रमाण ?
बैशाख २९, २०८१ शनिबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
सरकारलाई दिएको समर्थन फिर्ता लिने जसपा नेपालको निर्णय
बैशाख ३०, २०८१ आइतबार
धुलिखेल र जापानको सरोमा नगरबीच सीप–प्रविधि आदानप्रदान सम्झौता
बैशाख ३०, २०८१ आइतबार
ठगी आरोपमा चार जना पक्राउ
बैशाख ३०, २०८१ आइतबार
सर्वोच्चद्वारा वर्ल्डलिंकको रिट खारेज,शुल्क असुल्न बाटो खुल्ला
बैशाख ३०, २०८१ आइतबार
राजस्थानमाथि चेन्नई ५ विकेटले विजयी
बैशाख ३०, २०८१ आइतबार
सिन्धुपाल्चोकमा मोटरसाइकल दुर्घटना हुँदा एकको मृत्यु
बैशाख ३०, २०८१ आइतबार