उपत्यकामा ११ दिन थपियो निषेधाज्ञा

१९ जेठ, काठमाडौं । उपत्यकामा जारी निषेधाज्ञा जेठ मसान्तसम्मका लागि थप गरिएको छ । काठमाडौं, ललितपुर र भक्तपुर जिल्लाका प्रमुख जिल्ला अधिकारीहरुको आज बसेको बैठकले यस्तो निर्णय गरेको हो । तर अबको निषेधाज्ञा अली खुकुलो हुनेछ–भक्तपुर जिल्लाका प्रमुख जिल्ला अधिकारी प्रेमप्रसाद भट्टराईले भने ।

पर्सि शुक्रबारदेखि उपत्यकामा डिपार्टमेण्ट, किराना लगायत खाद्यान्न पसल बिहान ९ बजेसम्मका लागि खोल्न दिइनेछ – उनले भने । तर कोरोना संक्रमण अझै पूर्ण नियन्त्रणउन्मुख नदेखिएकाले यातायातलगायत अन्य क्रियाकलाप भने ढप्प नै रहने पनि उनले बताए ।

यस्तै उपत्यकामा निर्माण कार्य पनि खुला गरिएको छ । तर स्वास्थ मापदण्डको भने पूर्ण पालना हुनुपर्छ – प्रजिअ भट्टराईले भने । यस प्रयोजनका लागि ढुवानी गर्दा रातको समय प्रयोग गनुपर्ने उनले प्रष्ट्याए ।