नयाँ दल खोल्न माधव नेपालको बाधक बनेका दोस्रो पुस्तालाई रहर कि बाध्यता ?
कुसुम सेञ्चुरी
जेठ १९, २०७८ बुधबार २२:११:२६
१९ जेठ, काठमाडौं । एमालेबाट निष्कासित वरिष्ठ नेता माधवकुमार नेपालले नयाँ दल खोल्ने तयारी गरिरहेका बेला सोही समूहका युवा नेताहरु भने बाधक बनेर देखा परेका छन् । खनाल–नेपाल समूहमा रहेका घनश्याम भुसाल, सुरेन्द्र पाण्डे, गोकर्ण विष्ट र योगेश भट्टराईलगायतका नेताहरु पार्टी र आन्दोलन बचाउन एकता अपरिहार्य रहेको जनाउँदै नयाँ दल खोल्न असहमति जनाएपछि नेपालको अभिष्टमा उनीहरु बाधक बनेका हुन् ।
नयाँ दल खोल्ने हो आफूहरु सहभागी नहुने जानकारी गराएका उनीहरुले ओली समूहका नेताहरुसँग आन्दोलन र पार्टी जोगाउन भन्दै कुराकानी थालेका छन् । जेठ ९ गते संसद भवनमा प्रतिनिधिसभा विघटनविरूद्ध मुद्दाको तयारी गरिरहँदा भुसालले एमाले, कांग्रेसलगायत ठूला पार्टीहरूको जरा खोतलिँदा लोकतन्त्र नै कमजोर हुने र व्यवस्था धरापमा पर्ने अथ्र्याएका थिए ।
संसदीय मूल्य मान्यताविरूद्ध जानु परेकोमा आफू जतिबेला पनि आत्मालोचित हुन तयार रहेको बताउँदै जुनसुकै मूल्य चुकाएर भएपनि एकता बचाउनुपर्ने पक्षमा आफू रहेको पनि बताएका थिए ।
उनले वार्ता चाहिएको, चाहेको हो भने वार्ता आरम्भ भएर सहमतिको खाका निर्माण गरिँदै गर्दा फेरि एकपछि अर्को गर्दै कारवाहीको डण्डा किन चलाएको भन्दै ओलीप्रति प्रतिप्रश्न गरेका छन् । ‘खुँदै वार्ता टोलीका शीर्ष सदस्यलाई समेत कारबाही किन गर्नु ? एकता चाहने हो भने बरु गरिएका कारवाहीहरुको फुकुवा गर्दै पो जानु पर्छ त ’
खनाल–नेपाल समूहका अन्य नेताहरू भने यसलाई ‘दोस्रो पुस्ता’को रहरको संज्ञा दिन्छन् । ‘उहाँहरू लागिराख्नु भएको छ । पार्टी एकता हुने अवस्था आयो भने त राम्रै हो । हामीले आधार पनि प्रस्तुत् गरेकै छौँ, जेठ २ मै फर्कने,’ नेपाल निकट एक नेताले नेपालबहससँग भने । उनका अनुसार एमाले विवाद उत्कर्षमा पुगिरहेका बेला दोस्रो तहका नेताहरुले पार्टी विभाजन रोक्ने प्रयास गरिरहेको तर ओलीले नै मिलाउने प्रयास नगरेकोले पार्टीमा अब बस्नुको औचित्य छैन । उनीहरुको प्रयासले बाहिर कुनै परिणाम ल्याउन सकेको छैन ।
दोस्रो तहका नेताहरुले सोमबार गरेको प्रयासबाट प्रधानमन्त्री केपी शर्मा ओली २०७५ साल जेठ अगाडीको सांगठनिक संरचनामा फर्कन्छन वा त्यसो नगरिए माधवकुमार नेपाल र झलनाथ खनालले पार्टी विभाजन गरेर नयाँ दल गठन गर्छन भन्ने प्रश्नको उत्तर भने दोधारमै रहेको छ । विपक्षी दलका नेता शेरबहादुर देउवालाई प्रधानमन्त्री बनाउन माग गर्दै पूर्व प्रधानमन्त्री समेत रहेका एमाले नेता नेपाल–खनाल रिट दर्ता गर्न सर्वोच्च अदालतमा पुगेका थिए । त्यसपछि ओलीले खनाल–नेपालसहित ११ जनालाई पार्टीबाट निष्कासन नै गरिदिए ।
अहिले पनि दुवै नेताहरुबीच संवाद हुने वातावरण नबनेपनि ओलीले पार्टीको पुरानै संरचनामा फर्काउने उदघोष गरे आश्चर्य हुने ओली समूहका एक नेताले बताए । ‘माधव नेपाल र भीम रावलको गतिविधिबाट आक्रोशित भएका ओलीले पार्टीलाई पुरानै संरचनामा फर्काउछु भनेर वक्तब्य जारी गरे भने त्यो आश्चर्य हुनेछ’ ओली समूहका एक नेताले भने ।
पार्टीभित्र वार्ता चलिरहेको र विवाद निरुपण हुने संभावना बढिरहेका बेला नेपाल पक्षका नेता एवं अखिलका पूर्व अध्यक्ष राजेन्द्र राइले त्यसलाई मनोगत र व्यक्तिगत भएको बताएका छन् । उनले वार्ता चाहिएको, चाहेको हो भने वार्ता आरम्भ भएर सहमतिको खाका निर्माण गरिँदै गर्दा फेरि एकपछि अर्को गर्दै कारवाहीको डण्डा किन चलाएको भन्दै ओलीप्रति प्रतिप्रश्न गरेका छन् । ‘खुँदै वार्ता टोलीका शीर्ष सदस्यलाई समेत कारबाही किन गर्नु ? एकता चाहने हो भने बरु गरिएका कारवाहीहरुको फुकुवा गर्दै पो जानु पर्छ त ’, उनले भनेका छन् ।
उनले वार्ता आरम्भपछि आफ्ना शीर्ष नेताहरूसहित अनेक दवावसँग जुधेर अति कठिन परिस्थितिमा आफ्ना पछि लागेका सांसदहरुलाई र खुद वार्ता टोलीका एक शीर्ष नेतालाई पार्टीको साधारण सदस्य समेत नरहने गरी कारवाही गरिएपछि कुन मुख लिएर वार्ता गर्ने भन्दै प्रश्न गरेका छन् । ‘कारवाही गर्ने नियतले वार्ता टोलीका अन्य सदस्यलाई स्पष्टीकरण सोध्ने र विभिन्न प्रदेशका सांसदहरूलाई कारबाही प्रक्रिया आरम्भ गरिएको अवस्थामा कुन मुख लिएर वार्ता गर्न सकिन्छ ?’
उनले भने ‘यस्तो अवस्थामा वार्ता अनाधिकृत वा व्यक्तिगत मात्र हो र यो वार्ता निर्लज्ज प्रकृतिको हो ! साँच्चै आधिकारिक वार्ता गर्ने हो भने नयाँ परिस्थिति निर्माण गरी नयाँ सहमति (वार्ताकै लागि पनि) जरुरी छ ।’ तर नेतृत्वका लागि तयार भैसकेका भूषाल, पाण्डे, विष्ट र भट्टराई नयाँ दल खोल्न बाधक बनिरहँदा उनीहरुलाई ओलीसँगै बस्ने बाध्यता हो कि रहर हो भन्ने प्रश्न उनकै समूहले उठाएका छन् ।
उनीहरुले भने निरन्तर ओली समूहका नेताहरुसँग वार्ता गरिरहेका छन् । अघिल्लो पटक भीम रावलले कुरा विगारेको भन्दै रावलसँग आक्रोशित भएका युवा पुस्ताका नेताहरुले सबैलाई मनाएर अघि बढ्ने बताइरहँदा एक दुई दिनमै ब्रेक थ्रु हुने जनाएका छन् । एमालेलाई फुटबाट रोक्न ओली पक्षबाट एमाले नेताहरु सुवास नेम्वाङ, विष्णु पौडेल र प्रदीप ज्ञवाली लागि परेका छन् ।
त्यस्तै, माधव नेपाल पक्षबाट गोकर्ण विष्ट, सुरेन्द्र पाण्डे, घनश्याम भुसाल र योगेश भट्टराई पनि त्यसैगरी जुटिरहेका छन् । दुबै पक्षका ६ जना नेताहरुले होटल याक एण्ड यतिमा जेठ ९ गते चार घण्टा लामो अन्तिम गृहकार्य गरेका थिए । उनीहरुबीच साँझ साढे ५ बजेदेखि ११ बजेसम्म भएको छलफल र गृहकार्यमा अध्यक्ष ओलीले के गर्ने र माधव नेपाल पक्षले के गर्ने भन्ने मोटामोटी ड्राफ्ट नै तयार भएको थियो । तर, १० गते आइपुग्दा उक्त ड्राफ्ट कामै नलाग्ने अवस्थामा पुग्यो ।
९ गते रातिसम्मको यो प्रयास असफल भएसँगै अध्यक्ष ओलीले १० गते माधव नेपाल पक्षका ११ जना नेताहरुलाई पार्टीको साधारण सदस्यसमेत नरहने गरी निष्काशन गरे । बाँकी १२ जनलाई पनि २४ घण्टे स्पष्टीकरण सोधेका थिए । त्यसपछि विथोलिएको वातावरण सहज बन्न सकेको थिएन । अहिले पनि दुवै नेताहरुबीच संवाद हुने वातावरण नबनेपनि ओलीले पार्टीको पुरानै संरचनामा फर्काउने उदघोष गरे आश्चर्य हुने ओली समूहका एक नेताले बताए । ‘माधव नेपाल र भीम रावलको गतिविधिबाट आक्रोशित भएका ओलीले पार्टीलाई पुरानै संरचनामा फर्काउछु भनेर वक्तब्य जारी गरे भने त्यो आश्चर्य हुनेछ’ ओली समूहका एक नेताले भने ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
जसपा केन्द्रीय कार्यकारिणी समितिको बैठक बस्दै
बैशाख १४, २०८१ शुक्रबार
आजको मौसमः यी चार प्रदेशमा पानी पर्ने
बैशाख १४, २०८१ शुक्रबार
यस्तो छ तपाइको आजको राशिफल
बैशाख १४, २०८१ शुक्रबार
कक्षा १२ को परीक्षा आजदेखि सुरु, तीन लाख ९० हजार आठ सय ४७ परीक्षार्थी सहभागी हुँदै
बैशाख १४, २०८१ शुक्रबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार