साढे तीन वर्षपछि कांग्रेस उक्लियो सत्तामा
नेपालबहस संवाददाता
जेठ २४, २०७८ सोमबार २०:२९:२८
२४ जेठ, काठमाडौं । लगभग साढे तीन वर्षको प्रतिपक्षी भूमिकाबाट नेपाली कांग्रेस सत्ताधारी कित्तामा उक्लिएको छ । हिजो मात्रै यो क्रमको थालनी कर्णाली प्रदेशबाट सुरु भएको हो । कर्णाली प्रदेशमा कांग्रेसले दुई जनालाई मन्त्री बनाएको छ ।
यही अवस्था प्रदेश नं. २ मा पनि देखापरेको छ । सम्भवतः आजै साँझसम्म यो प्रदेशमा पनि कांग्रेस सत्तामा जाने छ । हिजै मात्र मुख्यमन्त्री लालबाबु राउतले जनता समाजवादी पार्टीका महन्थ – राजेन्द्र समूहका चारजना मन्त्रीलाई वर्खास्त गरेका छन् ।
त्यसपछि विकसित घटनाक्रमले नयाँ समीकरणकै सरकार बन्ने देखिएको छ । नेपाली कांग्रेसले यहाँ आधा हिस्सा मागेको छ । तर माओवादीलाई समेत मिलाउनुपर्ने भन्दै राउतले एक तिहाईका दरले सबैले भागबण्डा गर्नुपर्ने धारणा राखेका छन् । यसबारे अहिले प्रदेश तहमै पार्टीहरुबीच छलफल भइरहेको छ ।
उता, गण्डकी प्रदेशमा पनि कांग्रेसको सत्ता यात्रा सुरु हुनै लाग्दा राष्ट्रिय जनमोर्चाका सांसद् कृष्ण थापाका कारण अवरुद्ध भएको छ ।कांग्रेसलाई साथ नदिने भन्दै उनले बिद्राेह गरेपछि पार्टीले पदमुक्त गरेको थियो । तर हिजो मात्रै सर्वाेच्च अदालतले थापालाई नहटाउन अन्तरिम आदेश दिएको छ ।
त्यसपछि भने बैकल्पिक सरकार गठनमा फेरि तगारो बनेका छन् थापा । यस्तो स्थितिमा के गर्ने भनेर विपक्षी गठबन्धनले नयाँ रणनीति बनाइरहेका छन् । स्रोतका अनुसार, प्रदेशसभाका सभामुख नेत्रप्रसाद अधिकारीलाई राजीनामा गराएरै भएपनि बहुमत पु¥याउने दाउ उनीहरुको रहेको छ । यस्तो परिस्थिति बन्यो भने गण्डकी प्रदेशमा समेत कांग्रेस नेतृत्वमा सरकार बन्ने सम्भावना रहेको छ ।
यसैगरी लुम्बिनी प्रदेशमा पनि सरकार अल्पमतमा छ । तर प्रदेश प्रमुखको बलजफ्तीमा सरकार टिकेको छ । अब भने बजेट अधिवेशन आह्वान भएकाले सरकार अल्पमतमा पर्ने देखिएको छ ।
परिस्थिति अनुकूल भयो भने यो प्रदेशमा पनि माओवादी र कांग्रेसको गठबन्धन सरकार बन्ने अवस्था छ । त्यसका लागि आगामी महिना निर्णायक हुने देखिएको छ ।
यस्तै, सदूर प्रदेशमा भने माओवादी नेतृत्वमा एमालेको माधव नेपाल पक्षको समर्थनमा सरकार रहेको छ । विपक्षी गठबन्धनबीच समझदारी बन्दा यहाँ पनि कांग्रेस सत्तामा जान सक्ने अवस्था छ ।
प्रदेश नं. १ र बाग्मती प्रदेशमा पनि सरकार सहज रुपमा चल्न सकेका छैनन् । माओवादीको समर्थन फिर्ता र एमाले कै माधव पक्षको विरोधका कारण ती प्रदेशका सरकार कुनै पनि बेला विस्थापित हुने अवस्था रहेको छ । विकल्पमा कांग्रेस बिनाको सरकार बन्ने अवस्था छैन ।
केन्द्रमा पनि केपी ओलीविरुद्ध बहुमत सांसद् प्रतिनिधिसभा पुनस्थापना गरी शेरबहादुर देउवाको नेतृत्वमा सरकार बनाउने कानूनी लडाईमा छन् । उक्त लडाई सफल हुने वित्तिकै देउवा नेतृत्वमा नयाँ सुरकार बन्ने अवस्था रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
बाल मन्दिरपछि सीआईबीको नजरः टीकापुर, तारागाउँ र हरिसिद्धि तिर
बैशाख ३०, २०८१ आइतबार
सहकारी प्रकरण: रवि विरुद्ध के छ काग्रेससँग प्रमाण ?
बैशाख २९, २०८१ शनिबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
बैशाख ३०, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
म्यानचेस्टर युनाइटेडमाथि आर्सनल १-० ले विजयी
बैशाख ३१, २०८१ सोमबार
कोशीका मुख्यमन्त्री कार्कीले आज विश्वासको मत लिँदै
बैशाख ३१, २०८१ सोमबार
दिल्लीमाथि रोयल च्यालेन्जर्स बैंगलुरु ४७ रनले विजयी
बैशाख ३१, २०८१ सोमबार
तपाईको आजको राशीफल कस्तो छ ?
बैशाख ३१, २०८१ सोमबार
चट्याङ र हावाहुरीसहित वर्षाको सम्भावना
बैशाख ३१, २०८१ सोमबार