चीनबाट ल्याएको खोप तिब्बतसँग सिमा जोडिएका जिल्लामा १८ बर्ष माथिकालाई दिइने  

२५ जेठ, काठमाडौं । सरकारले चीनबाट ल्याएको भेरोसेल खोप चीनको तिब्बतसँग सिमा जोडिएका जिल्लाहरुमा  १८ बर्षदेखि माथिका सवै उमेर समूहकालाई दिइने भएको छ ।यस अघि हिमाली जिल्लामा यसअघि नै ५५ वर्ष माथिकालाई खोप दिइएकोमा छुट भएकाहरु  र  सोही उमेर समूहकालाई मात्र खोप दिइने बताइएको थियो।

सीमा क्षेत्रका जिल्लामा कोभिड संक्रमण बढ्दा तिवब्तमा समेत कोभिडको जोखिम हुनसक्ने र ती जिल्लाहरुमा  स्वास्थ्य पूर्वधारको अभावका कारण चीनबाट ल्याइको खोप चीनको आग्रमा नै तिवब्तसँग सीमा जोडिएका सवै जिल्लामा १८ बर्ष उमेर समुहमाथिकालाई खोप दिन लागिएको हो ।

आजदेखि तेस्रो चरणको खोप अभियान सुरु हुँदै छ । स्वास्थ्य सेवा विभाग परिवार कल्याण महाशाखाले सोमबार नै सूचना जारी गर्दै  तिवब्तसँग सिमा जोडिएका जिल्लामा १८ बर्ष माथि र  अन्य जिल्लाहरुमा २५ जेठबाट शुरु हुने खोप अभियानमा ६२ देखि ६४ वर्ष उमेर समूहका व्यक्तिलाई लगाउन निर्देशन दिएको छ।

यसअघि ६० देखि ६४ वर्ष उमेर समूहका व्यक्तिलाई कोभिडविरुद्धको खोप भेरोसेल दिने भनेको थियो। तर, अन्तिम समय आएर उपत्यका बाहिरका जिल्ल्लामा उमेर समूहमा संसोधन गरेको हो।