संवैधानिक संकटको समाधान सर्वपक्षीय गोलमेच सम्मेलनबाट खोज्नु पर्ने: दिलनाथ गिरी
नेपालबहस संवाददाता
जेठ २६, २०७८ बिहिबार २:२४:३६
२६ जेठ, काठमाडौं । राष्ट्रिय प्रजातन्त्र पार्टी (राप्रपा) का नेता पूर्वमन्त्री दिलनाथ गिरीले विद्यमान संवैधानिक संकटको समाधान सर्वपक्षीय गोलमेच सम्मेलनबाट खोज्नु पर्ने बताएका छन् ।
सरकार, प्रतिपक्ष र राष्ट्रपति समेतको भूमिकाबाट संविधान संकटग्रस्त भएको भन्दै राप्रपा नेता गिरीले संवैधानिक राजसंस्था, हिन्दुराष्ट्र र नेत्रविक्रम चन्द पक्षधर समेतको सर्वपक्षीय गोलमेच सम्मेलन प्रस्ताव गरेका छन् ।
‘ठूलो धनजनको क्षति गरेर संविधानको विकल्प खोज्नु भन्दा संवैधानिक राजसंस्था सहितको हिन्दुराष्ट्र र यो संविधानसँग विमति राख्ने नेत्रविक्रम चन्द समेतको सर्वपक्षीय गोलमेच सम्मेलनबाट यो समस्याको समाधान खोजौं । नेपाल र नेपालीको यसैमा कल्याण हुनेछ भन्ने आमधारणा रहेको बुझिन्छ,’ राप्रपाका कार्यसम्पादन सदस्य गिरीले वुधबार भने ।
संविधानमा भएको व्यवस्थालाई सरकार, प्रतिपक्ष र राष्ट्रपतिले समेत पालना नगरेको कारणबाट गम्भीर समस्या उत्पन्न भएको छ । कामै गर्न नसक्ने अवस्थामा संविधान थला परेको उनको भनाइ छ ।
‘नेपालको संविधान २०७२ को भावना र मर्मलाई सरकार र प्रतिपक्षले नबुझेको हो वा बुझ पचाएको ? प्रक्रिया नै पुरा नगरी संविधान विघटन गर्न मिल्दैन अर्थात् धारा ७६ (५) अनुसार प्रधानमन्त्रीको पद रिक्त भएपछि मात्र प्रक्रिया अगाडि बढ्न सक्छ भन्ने संविधानविद्हरूको ठहर छ,’ गिरीले सामाजिक संजालमा आफ्नो धारणा राख्दै भने ।
‘संविधानअनुसार धारा ७६ को उपधारा ४ प्रयोग नै भएको छैन । यदि उपधारा ५ प्रयोग गर्नुभन्दा अगाडि प्रधानमंन्त्रीले उपधारा ४ अनुसार संसदको विश्वास लिनैपर्छ, नत्र प्रधानमन्त्रीले पदबाट राजीनामा गरी उपधारा ५ अनुसाको सरकार बनाउन मार्ग प्रसस्त गर्नुपर्छ,’ उनले भने ।
‘अनिमात्र उपधारा ५ अनुसार प्रधानमन्त्रीबाहेक संसदमा उपस्थित दलहरूका कुनै पनि सदस्यले आधारसहित प्रधानमन्त्री हुनको निमित्त आफ्नो हकदाबी राष्ट्रपतिसमक्ष पेश गर्न सक्ने संविधानमा व्यवस्था भएको कुरा संविधानविद्को धारणा रहेको छ ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराष्ट्रियसभाको बैठक कार्यसूचीमा प्रवेश नगरी स्थगित
जेठ १, २०८१ मंगलबार
कांग्रेसको अवरोधपछि प्रतिनिधिसभाको बैठक स्थगित
जेठ १, २०८१ मंगलबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
दैनिक सूर्य नमस्कार गर्दा यी १० समस्याबाट छुटकारा मिल्छ
जेठ १, २०८१ मंगलबार
राष्ट्रियसभाको बैठक कार्यसूचीमा प्रवेश नगरी स्थगित
जेठ १, २०८१ मंगलबार
कांग्रेसको अवरोधपछि प्रतिनिधिसभाको बैठक स्थगित
जेठ १, २०८१ मंगलबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
प्रतिनिधि सभाको बैठकमा कांग्रेसको अवरोध, छानबिन समितिको माग गर्दै नाराबाजी
जेठ १, २०८१ मंगलबार