लाइफ इन्स्योरेन्स कर्पोरेशनले पठायो शेयरधनीको हितग्राही खातामा बोनस शेयर

२८ जेठ, काठमाडौं । लाइफ इन्स्योरेन्स कर्पोरेशन (नेपाल) लिमिटेडले शेयरधनीको हितग्राही खातामा बोनस शेयर जेठ २६ गते जम्मा गरिदिएको छ ।

कम्पनीले गत फागुन २५ गते सम्पन्न १८औं साधारण सभाबाट पारित १० प्रतिशत बोनस शेयर जेठ २५ गते सूचीकरण भइसकेकोले शेयरधनीको हितग्राही खातामा जम्मा गरिदिएको जनकारी दिएको छ ।

कम्पनीले साधारण सभाको प्रयोजनका लागि बुक क्लोजको समयमा शेयर अभौतिकीकरण गराएका शेयरधनीको हितग्राही खातामा उक्त बोनस शेयर जम्मा गरिदिएको र भौतिक शेयर धारण गरेका शेयरधनीले शेयर अभौतिकीकरण गराएपश्चात सम्बन्धित शेयरधनीको हितग्राही खातामा उक्त शेयर जम्मा गर्ने समेत जानकारी दिएको छ ।

कम्पनीको शेयर रजिष्ट्रारमा नेपाल एसबिआई मर्चेण्ट बैंकिङ लिमिटेड रहेको छ ।