कोभिसिल्डको पहिलो मात्रा लाएकालाई दोस्रो डोज दिन कोभ्याक्स खोपको प्रतिक्षा

३० जेठ, काठमाडौं ।  विश्व स्वास्थ्य सङ्गठनको कोभ्याक्स कार्यक्रम अन्तर्गत नेपालले पाउने कोरोनाविरुद्धको खोप अर्को सातासम्म उपलब्ध गराउने भएको छ।

उक्त खोप प्राप्त भएपछि कोभिशिल्डको पहिलो मात्र पाएकालाई उच्च प्राथामिकतामा राखेर खोप दिइने तयारी सरकारले गरेको छ । सेरम इन्स्टिच्युट अफ इन्डियाले नेपाललाई उपलब्ध गराउने १० लाख डोज उपलब्ध नगराएपछि कोभिसिल्ड खोपको पहिलो मात्रा लगाएकालाई दोस्रो मात्रा दिन सकिएको छैन ।

नेपालको खोप वार्ता समितिलाई अक्सफोर्ड तथा एस्ट्राजेनेकाद्धारा विकसित खोपका केही डोज केही साता भित्रै उपलबध्ध गराउने तयारी गरेको कोभ्याक्सले जनाकारी दिएको हो। कोभ्याक्सले जुन महिनाको मध्यसम्ममा खोप दिन सकिने बताए पनि के कति कति मात्रा खोप दिने भन्ने चाहिँ कम्पनीले खुलाइएको छैन ।

कोभिसिल्ड खोपसँग अस्ट्र्जेनेका तथा अस्फोर्डले उत्पादन गरेको कोभ्याक्स खोपको फर्मुलामिल्ने भएकाले पहिलो मात्रा कोभिसिल्ड लगाएकालाई सो खोप दिने तयारी सरकारको रेहको स्वास्थ्य सेवा विभाग परिवार कल्याण महाशाखामा प्रमुख डा. तारानाथ पोख्रेलले जानकारी दिएका छन् ।

यसरी कोभ्याक्समा प्रयोग हुने खोप भनेको डब्लूएचओबाट मान्यता प्राप्त खोपहरु मात्र हुन् जसमा एस्ट्राजेनेका, फाइजर, जोन्सन, मोडेर्ना, चीनका साइनोफ्राम र साइनोभ्याक रहेका छन् । तर अहिलेसम्म यसले एस्ट्राजेनेका र फाइजर खोप मात्र वितरण गराएको छ । मोडेर्नाले झन्डै ५० करोड डोज खोप सबैभन्दा कम मूल्यमा आपूर्ति गर्ने सहमति जनाए पनि यो २०२२ अघि उपलब्ध नहुने बताइएको छ ।