६० करोडको आईपीओ ल्याउने तयारीमा रहेको रिलायबल नेपालले डाक्यो साधारणसभा

३० जेठ, काठमाडौं । आईपीओ जारी गर्ने तयारीमा रहेको रिलायबल नेपाल लाइफ इन्सुरेन्सले असार ४ गते वार्षिक साधारण सभा बोलाएको छ । सभा कम्पनीको प्रधान कार्यालय ज्ञानेश्वर काठमाडौंमा दिउँसो १ बजे सुरु हुनेछ ।

भर्चुअल माध्यमबाट सभा गरिने कम्पनीले जनाएको छ । सभामा कम्पनीको आइपीओ निष्कासन सम्बन्धमा छलफल हुनेछ । आर्थिक वर्ष २०७५–७६ को वार्षिक प्रतिवेदनमा छलफल गर्ने र नाफा–नोक्सान हिसाब पारित गर्ने एजेन्डा रहेको छ ।

आर्थिक वर्ष २०७६–७७ लेखापरीक्षक नियुक्त गरी पारिश्रमिक निर्धारण गर्ने प्रस्ताव पनि पेश हुँदैछ । रिलायबल नेपालले सर्वसाधारणमा ६० करोड रुपैयाँको ६० लाख कित्ता आइपीओ जारी गर्ने तयारी पनि गरिरहेको छ । आइपीओ बिक्री पछि भने यसको चुक्ता पुँजी २ अर्ब रुपैयाँ पुग्नेछ ।